2005/8/19 (金曜日)
戦利品目:
名探偵コナン 49
唉， 自己真係幾抵鬧， 朝早起身， 頭暈暈， 訓多陣結果還是沒有心機出去。 某個程度來說又浪費了半日。
不過夏天的威力真的令人沒有說話好講， 開冷氣又舒服得令人很想訓， 唔開又熱到集中唔到精神。 番 lab 又太遠和車費太貴...
哈， 今日收到同 lab 的一個 B4 (Bachelor Year 4)的 email, 內容大約是為了應付九月的院試所以近來會頻頻番 lab， 有望各位做佢的 tutor， 酬勞係佢既笑容云云... 雖然望起上來幾好笑， 但同時有點點慚愧添... 好好， 下個禮拜真真正正認真些先得。
2005/8/18 (木曜日)
戦利品目:
名探偵コナン 48
魔法先生ネギま! 11
尋日結果同的士佬傾很太耐， 五點幾訓又唔係唔訓又唔係， 唉， 撞鬼， 結果去到七點左右食完早餐先訓得番， 又唔訓得耐， 訓兩個鐘又要起身。
今日的重要是當然就是入學的東東喇， 回到很久沒有去的三田 campus， 唔， 果然是暑假呢， 有不少工程在進行中... 點都好，新館的 International Centre 如常運作， 真好。 一口氣搞好那堆 documents， 影埋將靚靚相就搞掂喇。 Good!
一有戦利品， 哈， 睇到夜晚， 冇辦法， 仲要係兩本。 結果今晚好像沒有做過甚麼特別東西... 噢。 昨晚睡眠不足， 噢。 還有手癢買了 Skypeout credit， 用了來打番香港， 平！ 大約一百港元 600 分鐘， 抵！