2005/8/22 (月曜日)
好一個黑仔
今日有點點黑仔， 加小小黑仔， 加個中黑仔， 再加個大黑仔， 等於非常黑仔。
一朝早叮麵包， 叮完之後拎出黎， 發個手上有些黃色的醬類物體。 嘩， 邊鬼個咁缺德整到個微波爐咁污漕呀! 雖然一向都知道個廚房污漕， 都唔好咁離譜呀？ 不過還好的就是有層包裝頂住， 麵包照食可也。
做了一大堆雜務之後出門口， 今日要交 PG 的申請表喇。 反正都係諗住順手回 lab 做下 research 的東東。 回到 campus 的 Admission Office， 裏面個 staff 竟然同我講一定要郵寄份 form。 噢。 我都親身黎到啦， 收份 form 都得嘛？ 唉， 唔得都冇計， 死死地氣問究竟個郵局在那裏， 那位保安伯伯話“唔... 火車站二樓”， 撃沈... 走番郵局， 因為速遞關係盛惠760円， 唉， 你俾760円我我幫你一次過送番去好過啦。 結果寄係寄了， 不過完全冇左個 mood 和體力在走番 lab 做野， 在附近行了幾個圈也就回去了。
夜晚煮飯， 唔知那裏出錯， 煮好的飯硬得可以， 自己煮也就冇得怨， 勉勉強強還可以食吧？
沖涼， 沖沖下唔知邊位大兄入左黎， 聽到些水聲， 之後突然一黑， 喂， 大佬， 有人架， 好在裏面的燈冇熄， 都叫可以繼續沖涼， 唉， 咁耐以以黎第一次遇到這樣的事。
算了， 今日也總算完成了要做的東西， 晚上也租了隻コナン的 CD 聽（當然也包括抄）， 不錯不錯。 今日咁黑， 未來幾日都應該會有很好的事降臨？ 期待一下吧？
2005/8/21 (日曜日)
本來約左 Miller 去台場玩， 上次已經被放飛機， 今次， 哈， 今次再次發生， 不過也好， 攰得要命， 我都唔知可以點出去...
結果起身後不斷的ロジックゲーム， 很久沒有這麼的用腦了。