2005/8/31 (水曜日)
完全地被隻 game 支配， 昨晚玩通宵， 八點幾， 訓幾個鐘， 又黎過。 噢。 雖然說放假但都未免去得太盡。
不過隻 game 的故事都幾出乎意料。 遲些完結之後再寫感想。
那班人真討厭， 乜人？ 成日整到個廚房七國咁亂那班囉。 離哂譜。
2005/8/30 (火曜日)
戦利品目:
サモンナイト エクステーゼ 夜明けの翼
真失敗， 昨日無端端晨咁早起身精精神神， 今日又回復到半條死魚， 如果有邊個可以話俾我聽點樣可以擺脱睡魔的話實為萬幸。
下午午飯（都三點幾四點喇）， 之後再車站附近行下， 唔， 突然見到二手的サモンナイト， 很好， 於是就成為了今日整天的節目了。 （夜晚飯都唔記得食）。
夜晚突然收到一個 forward message， 科大 CS 的一位 Professor， Samuel T Chanson 於數日前辭世， 雖然佢完全冇教過我而我亦沒有和他有任何接觸， 不過心裏一種可惜的心情卻一湧而至。 希望他能夠安息， 與及他的精神能由他的學生承繼和發揚。