2006/2/1 (水曜日)
人好冇葯醫， 不過既然是相識十多年的好朋友就義不容辭喇。 Karen 死了幾個月的一部機， 其實最初都估係火牛出事（加上很可能有 double 問題）， 點知真係估中， 一來到就完全開唔到機， 唯有出去買過個牛啦， 也好， 順手出去嚐嚐很久沒有試的丸腩河。 另外收到康少找到工作的消息， 真好呢， 希望佢今次可以好好的做好這份工啦。
下午買完牛， 雖然叫到着到部機， 不過很多其它問題， 算了， 最後 Karen 下定決心買過部機， 反正我也要出旺角所以一行三人就出了去買喇。 去到旺電三樓的一間舖頭， 其實只是想集中在一間舖頭買， 沒有太認真格價（當然也算相對平吧）， 這間舖頭那個肥仔， 有點點頂唔順， Karen 還說得出“很かわいい的肥仔”， 噢， 真的有點不敢想像...
之後 Karen 佢地回去， 而我也會合了很久沒有見的 Cap 和輝， 上那間很久沒有去的 coffee shop， 不算太多人， 吹吹水， 沒多久阿 Lone 也上了來， 玩飛行棋... 唔， 之前定的規則有點問題結果玩得過久呢， 最後雖然改了規則不過還是玩唔完喇。