2006/2/3 (金曜日)
下午上了家姊的家看看她所養的貓， 的確有點似我在日本餵的那隻貓呢， 不過就是比較小型罷了。 上到來， 又是電腦的問題， 不過問題都真的很不同， 她前兩日買了的新機， 有點貪平吧？ 結果貨不對辦， 那個甚麼 VIA C3 2000+， 唔知點解個舖頭的人可以騙她說大約相當 P4 1.8G 的效能， 嘩， 吹得大左少少喎， 問問老占， 佢話頂多都係 P3 1G 左右， 哈， 講完之後我家姐火都黎埋（其實一向都大火架喇）， 今次明顯係個 sales 亂吹啦， 結果聽到一些我都覺得驚的對答， 擾嚷了一段時間後那舖頭也同意換番個 MB 同 CPU， 補番五百大洋（比我 expect 要平差唔多一百）， 勁， 人果真是欺善怕惡呢。
晚上家父家母的生日晚飯， 今年有點和往年不同， 本來一家六口的晚飯， 今年卻有七個人， 原因是多了二姊的男朋友， 真是不明白這位仁兄看中我那二姊的那一點... 哈， 算了， 最意外的就是只不過識了三年多就去到談婚論嫁的階段， 唔。 點都好啦， 這餐飯也算是近來少有的和平呢（？）