2006/4/29 (土曜日)
戦利品目:
名探偵コナン 探偵たちの鎮魂歌(レクイエム) ガイドブック
ギャラクシーエンジェル II 絶対領域の扉 ゼロ
雖然理論上有很多東西要做， 不過還是去了看コナン的十周年製作， 講開黎來了這裏都一年了， 還是第一次入戲院呢。 上了畫兩個禮拜， 今日來的大部份也是一家大細呢。 再看看周圍的人， 年齡層都幾廣， 師奶又有， 阿叔又有， 和我差不多年紀的也有， 小朋友亦有很多。 如果在香港的話首先這套戲應該二級的了， 另外年齡層也不會這麼廣。 點都好， 講番套戲， 難得地中途沒有死人！ 故事簡單地說是神秘的依頼人找了幾個偵探， 而再用他們的朋友的性命作要脅， 要求幾個偵探查某件事的真相。 唔， 老實講可能預期太高了， 整體節奏好像快了少少。 唔， 不過キッド的出場比預期好也就算啦（最尾那幕真係估你唔到）。
之後買書， 買衫， 當然少不了去一間拉麵店吃那個鶏そば， 極美味！ 才八百円， 值得一試！
2006/4/27 (木曜日)
健康診断
戦利品目:
名探偵コナン 消えたダイアを追え! コナン・平次 vs キッド!
朝早的中川先生的課早完， 去了做 body check， 大部份都沒有甚麼特別。 不過高度方面， 唔知點解無端端高左 0.5cm， 哈哈， 第三期發育？
夜晚終於都收到了那隻特製 DVD 了， 畫雖然完全及不上電影版， 不過故事嘛， 有少少得意啦。 不過唔太明最後一幕點解粒寶石可以反彈上去的... 奇。
2006/4/26 (水曜日)
一朝早走去入国管理局， 諗住快快手手拎完張許可書就去睇コナン， 誰知竟然咁都要等兩個鐘， 有病架咩。 沒有辦法了， 趕到去渋谷時都已經開了場。 唯有遲些再算。
回到 lab， 極度眼訓。 可以說完全沒有進度。 哎呀呀， 又要靠 deadline effect? 早些回去， upgrade 個 kernel， 哎？ 今次竟然出現 iptables 的問題， 唔， kernel 改了 layout 呢， 雖然問題唔難 solve， 不過難得唔太順利的 upgrade 呢。 搞掂， 早些休息。
2006/4/25 (火曜日)
眼訓的一天。 朝早笹瀬先生的課還頂得順， 去到下午的 meeting 時已經差唔多死得。
昨日忘記了說， 燒了隻 XGL 的 Live CD 玩玩， 非常不錯的效果。 作為 eye candy 的話現在的 Windows 或者暫時可見的 Vista 都不值一提， 另外 transparent effect， sticky effect， zooming 都應該有實用價值。 講開 eye candy, 正常來感覺上都拖慢部機， 不過今次幾乎沒有這種感覺（不過試的時間還短喇）。 暫時還是 alpha, 很期待。
2006/4/24 (月曜日)
朝早回到去， 就聽到剛從高知回來的F君的高知遊記， 與巴斯光年同行， 哈哈， 曾經也是受害者的我完全心知他的苦處， 不過真係笑還笑， 下午聽到一個謠言， 話巴斯光年的妻子好像想申請過這裏讀書...... 唔係掛！！！！！！！！ 講笑搵第二樣好喎！ 痴線架咩？ 命都冇呀分分鐘。
呀， 巴斯光年的事沒有甚麼事可以做... 顧掂自己先。 和笹瀬先生傾了個 research， 細節上還有些不太清楚的地方， 不過大致上都沒有問題， 好好， 早些完成份原稿， 向北海道進發！
2006/4/23 (日曜日)
戦利品目:
月奏 ツキカナデ アルトネリコ ヒュムノスコンサート サイド 紅
星詠 ホシヨミ アルトネリコ ヒュムノスコンサート サイド 蒼
魔法先生ネギま! 14
スクールランブル 小説 ~恋、知りそめし頃に~
スクールランブル 12
下午出去新宿買了一大堆戰利品， 哈， 算是交了功課給先生， 雖然未同先生 discuss, 不過也算是 ok 吧。 兩本漫畫中都有些在之前回香港時 skip 了的幾期漫畫周刊裏出現。 小說， 計埋之前那本“廢太子”， 哈， 有排睇。
另外今日是 Lica 的 concert， 捧下場啦。 上次的經驗唔太好， 有點唔太想去， 不過見咁難得， 而且又應承左， 不打緊喇， 但時間又唔太清楚， 結果出了去先知有兩個幾鐘剩， 呀， 早些說嘛。
Lica 出場後沒有多久就回去了， 回去聽剛剛買的 "concert"， 當中最喜歡的是月奏裏面的 EXEC_PHANTASMAGORIA， 三個人的合唱， 唔太識形容但配合得恰到好處。 Good!
2006/4/21 (金曜日)
很平靜的一日。 朝早回到 lab 做埋個 summary， 呀， 效率出奇地高喎。 大概就是因為 deadline effect 喇。 懶鬼， 唔迫到埋身都唔做。 搞掂後算係 send 了給笹瀬先生， 唔， 不算太滿意喇。 因為今日沒有堂上， 完了份 summary 之後悠悠閒閒的。
晚上幫Aちゃん部電腦整小小野， 之後去了車站附近的一間中華料理食飯， 那裏的老闆娘是一個住了在這裏十多年的的香港人， 就連廣東話都變得唔純正了。 有趣。 不過Aちゃん在KBS(Keio Business School)的壓力似乎幾大呢。 唔， 努力吧？ 呀， 其實有一半是說給自己聽的...
2006/4/20 (木曜日)
朝早中川先生那堂， 唔知發生乜事， 悶得有點那個。 相比下午的河野先生的課... 呀， 人比人比死人。 始終除了先生之外自己興趣所在也有關係。
Research... 明日應該交到功課吧？
繼續昨日提過關於神秘 icq friend 的事， 講下講下， 再由個名諗， 綜合所有資料， 終於知道那個人係邊個了， 以在自修室很多時都見到的一個人。 那時不但不能說是朋友， 而且大家都好像唔妥對方的（現在看回頭可能是一些小朋友的意氣用事喇）， 但唔知點解佢一路都有我 contact（我都係覺得有人唔覺意 send 錯俾佢， 不過唔深究喇）， 自修室的日子已經是七年前的事， 無端端在事隔多年的今日在 Internet 重遇， 簡直就是天文學的確率。 咁樣諗番以前的事都幾有趣， 中學時代， 自修室的日子... 哈， 個人方面， 原來那時已經係非常唔專心的了， 例如溫溫下書走去打乒乓波， 睇 McDull， 讀日文... 天性....
2006/4/19 (水曜日)
下午梗係要好多時間 warm up， 真係麻煩喇。 再唔努力後日點交功課？
昨日突然有個人 add 左我 icq， 本來諗住又係 random， 傾下傾下， 咦？ 同年？ 住天水圍？ 越講越邪門， 佢又識的士佬喎， 似乎以前在自修室（即是七年前喇）見過都唔定。 但真係奇怪。
突然有興緻轉去 Modular X (X11R7), 絕對係一個大 upgrade， 有點拾回一些“搞機”的感覺， 哈， Gentoo setup 穩定之後實在悶得要命， 又冇 virus 又冇 BSOD， software 裝得咁上下都冇乜特別理佢， 每個禮拜行下 emerge -uDN world 咁， 今次總算有些事做喇。
講開 BSOD, 突然找到一個有趣的 video... 相信是 Bill Gates 畢身難忘的一件事吧？
2006/4/18 (火曜日)
笹瀬の日。上午是笹瀬先生的 lecture， 下午是研究室 meeting， 唔， 沒有時間做野添。 都沒有辦法了。
那麼夜晚呢？ 宮澤さん的 farewell party, 去了車站附近的一間舖頭食飯， 今次不算太多人去， 留學生更得自己一人。 呢餐飯整體也不錯喇， 都係吹水多。 不過不得不提的就是那個手羽先， 亦即雞翼， 超好味， 而且任食...... 雖然好食， 但未免份量太多了。 但偶然食下也不錯。
2006/4/16 (日曜日)
休息和繼續アルトネリコ， 其中兩個 ending 也總算完了（那兩個 ending 的分歧只是在最後一個選擇）。 還有一個 ending， 重頭再玩... 不過 ending 那首「詩」又是很不錯， 那隻 CD 看來也是買定的了.....
2006/4/15 (土曜日)
朝早稍稍打了一陣機， 便出了渋谷去會合Aちゃん， 因為幫佢買電腦喇。 其實部電腦都講左好耐喇， 格了很耐價才可以下決定， 哈哈， 在渋谷食了午飯之後出發去秋葉原。 首先去了一車站附近的一間舖頭， 唔， 價錢都還可以， 但還是再去去原先決定了去的舖頭看看情況。 唔， 那間舖頭原來有多過一間舖的， 上個星期去的是其中一間， 另外今日跟住地圖去的又是另一間。 唔， 一路向那間舖頭進發， 就一路覺得自己是從深水渉走去荔枝角似的。 總算去到間舖頭， 幾乎沒有陳列 ， 有的只是一個個箱， 望見的只是一條人龍排隊付錢。 唔。 有趣。 套用Aちゃん的對白， 就像是去街市買菜， 沒有買電腦的感覺， 哈， 有趣的比喻， 不過當中一段小插曲， 因為Aちゃん前兩日打了電話來預訂， 本來是174800円， 但今日降了價去165800円， 有點出乎意料， 但店員本身說預訂了就是那個價錢， 最初完全唔肯減， 講左一大輪之後， 總算說服了喇。 嘩， 咁就慳左9000円。
之後去了日吉キャンパス做些 initial setup， 其實只是 boot 着部機喇， 不過幫人幫到底啦。 但由於星期六的關係圖書館早收， 於是去了佢屋企繼續整， 話時話也是第一次去。 不過自己都總算白痴， 唔覺意改左 registry 的 value 搞到 IE 個 shortcut 開唔到 browser， 低鬼能！ 唉， Windows 和 IE 都係同我唔夾架喇。 結果今晚整到很夜添...
2006/4/14 (金曜日)
今個星期的最後一堂， 其實都沒有甚麼概念這課會關於甚麼， title 是“Design of Physically Grounded Communication System”， 睇完個名都唔係好明， 算了， 即管上去睇睇。 今井先生雖然看起來很不錯， 不過這課實際上和自己沒有甚麼關係喇， 這個 communication 的大約是點樣和 robot communication, 點樣 program 各種的情況的 logic 吧？ 總之就是和我沒太大關係的東西喇。 點都好， 今個 semester 要上的堂也總算決定了。
下午點點悠閒的， 繼續做 research...
Research Log (2006/04/14)
Research Log (2006/04/13)
2006/4/13 (木曜日)
有兩堂要上， 首先是朝早的ワイヤレス通信， 講歴史， 呀， 很悶。 真係唔知讀唔讀好， 看看明日情況如何再算。 下午的 オペレティングシステム， 唔， 今年主要是 security， 內容絕對地有趣， 河野先生好像也是幾有趣的人。 唔， 很大對比呢。
下午 research 的時候， 收到了笹瀬先生關於明日「究極のオーディオをめざして」（朝向究極的音響）， 唔， 相信整個 lab 最有興趣的就正是笹瀬先生自己喇。 之後和他談談這個話題， 笹瀬先生劈頭一句就係“analogue 好過 digital 好多”， おいおい， 話哂都係 digital communication 的專家， 咁樣講野？ 哈哈， 或者談到音響的話甚麼 MIMO OFDM security reseach 都要企埋一邊。 講講研究以外的話題， 也延新鮮的。 哈哈， 不過所有聽緊的音樂， 包括 PC， 現在用的 audio player， 喇叭， headphone， 好像突然變得很差似的？ 先生語： stupid! 哈哈。 話說回頭， 幾百萬円的一套音響（約四五十萬港元）， 我還是忍受一下 "stupid" 的音響算喇。
2006/4/12 (水曜日)
真係整鬼， 前晚洗的衫到今日都未乾， 沒有衫換添。 這種情況都真係要命。 唔， 反正今日沒有 lecture 索性偷懶唔番學了。 也自然不自覺地打了成日機（おいおい）。
2006/4/11 (火曜日)
半日奉獻了給笹瀬先生。 首是是朝早的 lecture， 其實有點上唔上都得的感覺， 因為內容大概也是講他自己的研究生涯... 同樣的東西已經聽過很多次了。 不過既然是自己的 supervisor， 沒有唔上的理由喇。 唔。
下午研究室 meeting， 也是笹瀬先生的 presentation， 不過今次的 topic 就很有趣喇。 topic 係「インテリジェント(intelligent)無線技術の動向と展望」， 雖然直接和自己 research 有關係的部份不多， 不過的確是一個很不錯的 summary。 之後附送巴斯光年的 presentation 練習， 唉， 悶到想死。
回到研究室， 收到一個很有趣的消息， 哈哈， 研究室的 webpage 被人 crack 了， 大概是大陸的無聊人吧， 因為被改竄的 page 無端端留下了“小泉是狗， 南京大屠殺是事實”等語句（而且是簡體字）， 唔， 矛頭直指研究室裏面的周さん（因為他是中國人）， 哈， 說笑罷了。
開始寫寫 research log， 起碼讓自己看看究竟每日做過些甚麼。 唔， 今日只是看了少少 paper...
Research Log (2006/04/11)
2006/4/10 (月曜日)
終於上堂了， 昨晚 overdrive 左， 今朝都唔知有沒有意識的走了出門口， 還好回到學校食個早餐之後都總算回魂了。 第一堂是山中先生的 internet backbone， 應該都會 take 這科的了， 山中先生的日本語和英語都比想像中易聽。 好好。
下午食完飯都三點了， 唔知係唔係好耐沒有上過堂， 心不在焉， 唉呀。
夜晚繼續打機... 踏入 phase 2...
2006/4/8 (土曜日)
戦利品目:
ギャラクシーエンジェル クリアファイル
ギャラクシーエンジェル ~廃太子の帰還~
アルトネリコ 世界の終わりで詩い続ける少女
很久沒有見的一位 EE 同學（回香港時也是緣慳一面）， 因為工作關係來了東京， 今朝是她在這裏的最後一天， 所以晨咁早出了去和她聚聚舊吧。 短短的時間， 去了浅草遊遊， 閒聊， 陪她買買手信， 看看雷門... 接着去到上野， 本來想去公園行一下， 誰知落雨， 沒有辦法了。 食小小東西後她也乘車去機場了。
之後徒步行了去秋葉原， 很久沒有來了， 主要也是要買那本小說， 順手看看火牛等。 行了都三四個鐘吧？ 另外也買了一隻 game， 很久沒有買呢。 還有還有難得來到的ゲーマーズ本店， poster 也到手呢。
回到去， 馬拉松式打機...... 不錯的世界觀。
2006/4/7 (土曜日)
開學？
很久沒有上堂了， 唔， 三個月左右吧？ 不過今日都仲未正式上堂， 只不過是 guidance 吧？ 派了一大堆書等東西， 唔， 好像有點浪費紙張呢？ 是但了。
完了 guidance 之後原則上是回 lab 做少少 research 的東西， 和發傻。 哈哈， 這樣下去真的不行吧？
2006/4/6 (木曜日)
番 lab， 多左部新 printer， 裝裝砌砌， 哈， 有時望着他們做這些東西時都覺得佢地幾論盡的。
買左個新 headphone， 幾好， 唔太漏聲， 而且也隔了外來的聲音， 希望可以因此專心些做野啦。
2006/4/5 (水曜日)
今日再次去品川的入国管理局， 下着點點雨的天氣， 有點討厭。 算， 唔係重要問題， 去到入国管理局， 九時二十分， 拎張排隊紙， 160... 個多小時吧？ 今日點都要等的了。 半等羊睡， 等左差不多兩個鐘也總算等到了， 整左一輪也算係整好啦。
之後有事要去三田キャンパス， 反正品川都算係近（？）， 行過去， 大約行了二十幾分鐘吧？ 下着雨行其實唔係太舒服... 點都好， 番到去， 首先去找一找野澤先生， 很久沒有聯絡她了， 實在是非常好的一位先生， 傾傾自己的日本語， 傾傾朋友的申請入學問題， 也傾傾天南地北。 不錯不錯。 之後再去国際センター拎錢， 好野！ 之前的考試費終於到手了！
食埋飯都下午了， 唔番 lab 喇， 有點時間， 去剪埋個頭髮， 番歸。 話時話今晚先後見到兩個新般入來的人， 似乎都幾 nice， 唔， 唔， 不過自己都可能將快搬走呢。
2006/4/4 (火曜日)
今日研究室又 meeting， 晨咁早番去， 咦， 奇怪， 沒有人的？ 哎呀， 一點鐘， 撞鬼， 不過也沒有所謂啦， 一向都係差唔多時間番去的了。
朝早稍稍看了 paper 之後， 就真係開始 meeting 了， 基本上對象是新的 B4 和兩個新的 M1， 介紹下研究室裏面不同的 team， 唔。 有點眼訓添。
會館那邊好像有新人搬入來呢。 唔知會係乜人呢？ 總之唔好整到個廚房鬼咁污漕就好。
2006/4/3 (月曜日)
一朝早回到研究室， 好眼訓.... check check mail， 發現了笹瀬先生落 order 搬檯， 結果大半日就係咁搬檯駁電腦， 勞動勞動... settle 好都已經差不多四點。 嘻， 不過今日順手搬左位了！ 3 比 1 的距離， 9 比 1 的濃度， 得救了！
回去時， 順道（？）過了渋谷的 animate 看看東西， 哦？ 一直都唔知道有這間舖頭存在， 又幾多東西看喎。
2006/4/2 (日曜日)
約了朋友去新宿買一些電腦的東西， 也好， 順手行行街吧？ 好像很久沒有過去了。
唔， 新學期買電腦也很容易理解， 另外比較出奇的就是那支錄音筆， 哈， 我諗都沒有諗過買錄音筆呢。 真認真。 四點鐘左右， 食埋個下晝（？）就走人了。 唔。 風大雨大， 真係離哂譜， 局住要買遮添。 唉。
2006/4/1 (土曜日)
渡日一週年
很長， 也很短的一年。 新的生活有各種的新鮮感， 亦有各類的不協調， 有結識新朋友的歡樂， 也有離別親友的愁傷。 雖然望上去是理所當然的事， 不過那種感覺， 真正經歴過又是另一回事。 很矛盾的感覺...
一週年的今日， 沒有做甚麼特別事， 平常的週末， 繼續租コナン的劇場版， 今日是「瞳の中の暗殺者」， 依然地誇張的動作特技（？）， 另外也順手租了愛内里菜和 Zard 的 CD 聽聽...