2006/4/20 (木曜日)
朝早中川先生那堂， 唔知發生乜事， 悶得有點那個。 相比下午的河野先生的課... 呀， 人比人比死人。 始終除了先生之外自己興趣所在也有關係。
Research... 明日應該交到功課吧？
繼續昨日提過關於神秘 icq friend 的事， 講下講下， 再由個名諗， 綜合所有資料， 終於知道那個人係邊個了， 以在自修室很多時都見到的一個人。 那時不但不能說是朋友， 而且大家都好像唔妥對方的（現在看回頭可能是一些小朋友的意氣用事喇）， 但唔知點解佢一路都有我 contact（我都係覺得有人唔覺意 send 錯俾佢， 不過唔深究喇）， 自修室的日子已經是七年前的事， 無端端在事隔多年的今日在 Internet 重遇， 簡直就是天文學的確率。 咁樣諗番以前的事都幾有趣， 中學時代， 自修室的日子... 哈， 個人方面， 原來那時已經係非常唔專心的了， 例如溫溫下書走去打乒乓波， 睇 McDull， 讀日文... 天性....