2006/6/28 (水曜日)
晨咁早起身， 好耐未試過六點半喇。 真係， 以前幾日來說六點半左右訓就試過， 早成咁起身真係...
為乜？ 今朝獻出了第一次.... 來日本以來的第一次 parttime， 而且是在小學教英文！ 真係估自己唔到會有咁嘅一日。 諗番轉頭， 之前和些日本朋友傾過佢地幾時學英文的問題， 一般來說以乎是初上中學時的 "This is a pen"開始呢。 今日在學校附近會合了另一個一齊做 parttime 的朋友， 走去小學（明明直線只是數十米的距離， 卻要一個大圈先去得到）， 被編了去教一二年級（！）， 教的內容非常簡單， 不過是數字和一些招呼用語等。 唱下歌（！）， 周圍走咁， 諗番起以前小學的日子， 好像是坐定定聽書的呢， 印象有點模糊， 唔知各位小學時又係點的呢？ 不過點都好， 一年級的兩班小朋友， 比起二年班的乖好多呢， 哈哈， 有活力也不錯喇。 另外上課之後和小朋友一起吃午飯， 今日嘛， 不單是在日本， 而且在人生廿多年以來都算是一個非常新鮮的體驗。
下午返研究室， 之前的被倦還未散去， 除了做左中川先生的功課之外可以說沒有做甚麼， 五點左右笹瀬先生突然好閒的走了來講紅酒， 唔， 完全不在我的範籌， 不過佢又越講越開心喎， 哈， 可能改完我地篇論文， course 又教完吧？ 結果講到走人， 坐了先生的順風車去車站...
呀呀， 昨日的 Wine party 的相