2006/7/15 (土曜日)
忙了一大輪， 今日又正好 Freddy 初到東京， 聚聚舊之餘也讓自己休息一下， 下午趕到去新宿， 時間出奇地準， 不過， 好熱呀。 但沒多久下雨... 唔理喇。 首先去幾日前食過的中村屋食個午飯， 吹吹水， 咦？ 佢地手上那本旅遊書都有介紹呢間餐廳喎。 搞笑。
之後停雨！ !"#$%&()， 是但， 因為想幫佢地買ジブリ美術館（宮崎峻博物館？）的入場劵， 周圍的找 Lawson， 找不着， 再找也不是辦法， 先過去原宿先。
原宿嘛， 自己也很少來呢， 不過酷熱指數也極度之高！ 撞鬼。 行了一些舖頭， 自己沒有買野， 不過那間舖頭的東西都幾抵的。 沒有想過， 遲下有機會過黎睇下都好。 anyway 今日主要也是在附近周圍走吧？
回去新宿， Cherry 要幫朋友買手袋， 去了小田急樓下的 "NBS"（真係唔鬼記得點串）， 那些手袋香港買一個一千港元左右吧？ 這裏好似話比在香港平幾百元。 咦， 可以係一門生意喎。 平咁多？
之後去西口食鐵版牛扒（自己成日都食， 沒想到旅遊書都有講）， 有點樣衰的搵唔到東口那間在那裏, 還好佢地都沒有所謂。 食完飯再周圍走走， 完了這天。 很不錯的一天， 聚舊旅行探險（？）三合一， 唔好意思的係做了一整天電燈膽。