2006/12/12 (火曜日)
決定逃學。 爆睡， 結果十二點幾先起身， 嘻嘻。 Anyway 今日第一件事係要剪頭髮， 對上一次剛剛兩個月了。 之前一向都去開會館附近的髮廊， 同那裏的人算熟嘛。 不過都係太遠了， 而且横浜這裏這麼多， 於是去了附近的 Hair Rough， 雖然個名改得奇奇怪怪咁， 不過上次去到（雖然將近收檔）見個環境好像不錯咁。 Anyway 入到去， 寫一大堆資料後， 如常的洗頭， 剪頭髮， 之前在東京時負責剪的是女性的髮型師， 今次的是男性， 好處嘛， 應該是比較清楚點剪吧？ 不過做得髮型師應該都沒有問題喇， 反正自己又唔係要整個好鬼潮的髮型。 剪完之後都算係幾滿意喇。 服務也不錯， 下次也可以再來。
之後回家坐坐， 看看昨日所說的 uncyclopedia， 笑餐傻之後， 應澄清先生約去町田食東東。 目的是同佢慶祝生日喇。 話時話昨日都係慶祝生日， 乜十二月這麼多人生日的嗎？ 唔緊要了。 佢今日有幾聲咳， 雖然唔太嚴重喇。 但佢自己又唔識揀， 揀左間煙房的鉄板餐。 不過壽星沒有所謂也就算了， 或者佢錫住我銀包？ Anyway 也是吹水吹水， 食完之後周圍走走， 不過町田的舖頭鬼咁早就收檔， 八點半都未夠， 撞鬼。 今日佢都算幾滿意咁， 算係唔錯的一日喇。