2006/12/24 (日曜日)
直到下午都係昏迷， 唔理咁多， 俾我訓多兩個鐘。
夜晚到一個叫做 Fanisia 的組織搞的 party， 首先去了買禮物， 一千円左右本來都唔知買甚麼， 行下行下見到個小型的燙斗， 剛巧就是一千円多少少， 幾得意之餘又實用（？）， 於是就買下喇！ 講番個 party， 裏面識的本來只有一個人， 不過和周圍的人吹下吹下， 叫做識多幾個人， 不錯， 話時話這裏有不同國藉的人， 有日本人， 香港人， 台灣人， 中國人， 馬來西亞人等等，まあ、雖然集中的是亞洲人， 沒有相干喇。 交換禮物時微形燙斗換了個巨型枕頭， 哎？ 奇怪。 不過都唔錯喇。 下次的 Fanisia 的活動都不妨再參加呢。
回到去， 努力寫年賀状。 其實都只係寫幾張咁大把， 因為知道地址的人着實不多， 這個年代， 信， 好耐冇寫， 聖誕咭， 中學以來都冇寫過， E-card 都有 send 過下喇， 不過 E-card 有時同唔 send 差唔多... 都係冇乜誠意， 不如唔 send 好過（或者只係自己懶）， 不過今年重新寫寫， 哈， 有點點入鄉隨俗之餘， 都希望收到的人開心嘛！