2007/3/3 (土曜日)
下午先到朋友屋企 certify 部電腦， 機都開唔着， 雖然換下版換下 CPU 或者有得救， 不過身邊沒有零件， 朋友又有打算換機， 再加上自己都唔太夠時間慢慢睇， 所以早些幫部機安樂死算了。 去元朗走走， 一路看新電腦一路傾下自己最近一些問題， 延煩人的。 不過沒想到這位朋友就連當年中三四時自己的一些感受都仲記得， 心裏總有點感激。
之後去了家姐屋企玩， 主要也是望望她繼剛嫁的老公之後的新竉－－金毛尋回犬是也。 才三個月大， 不過已經比起家中十一歲的肥狗巨型了。 現在仍然訓練中， 不過總之就有趣喇。 之後四個人去了樓下的餐館打邊爐， 質素唔錯， 最掂係那些生蠔， 任食唔嬲， 當然同你搏命了。 之後繼續悠悠閒閒的， 看看相吹吹水， 又一日。