2007/4/14 (土曜日)
戦利品:
ながされて藍蘭島 初回限定特装版 5
羽毛球， 得三個人， 好像前兩個禮拜都係咁？ 總之人少的情況下總會比較吃力。 加上今日比較悶熱咁， 真係唔講得笑。
之後本來想去東大的 Italian Tomato 食野， 不過被包場， 沒有說話好講。 去了車站附近的老麥， 究竟自己有幾耐沒有吃過這裏的套餐呢？ 唔緊要了。 稍稍吹水之後就到了東大裏面上堂教書， 哈哈， 有點引人誤會的說法， 只不過係朋友Eさん想學打中文， 所以叫做略略幫佢開個頭咁啦。 理論上都冇錯的， 的確係在東大的 campus 裏面教一個東大生嘛？ 哈哈， 考慮下遲些寫落 CV 先。
之後去食飯， 吹水... 都唔可以咁講， 講的東西除了八八卦卦的東西之外有不少唔可以用「吹水」兩個字形容的話題， 當然這些問題就唔可以在這裏說了。 不過首先的反應是呆了一呆， 因為實在太意想不到， 之後雖然很努力的分析， 不過始終力有不逮。 之後， 回想一下這件事， 算是朋友對自己的一種信賴吧？ 突然覺得肩膊有點重， 好像很久沒有這種感覺....
題外話。 今日的戦利品， 終於來了！ 雖然好像用了不少錢， 不過真係千金難買心頭好。