2007/6/4 (月曜日)
十八年了
凌晨三時。 因為訓得太多的關係有點點眼光光， 迫自己訓。 但外面突然有電單車聲， 停了在家附近， 隨後聽到把男人聲， 大大聲（可能唔係認真太聲， 不過凌晨三點呀）， 講了五分鐘都有。 整個人醒哂。 撞鬼
回學校， 隔了九日沒有回來。 做野做野。 進度普通喇。 應該要趕緊少少。 不過盡力而為喇。 呀， 是了， 今日來了一位從美國回來的日本人學生， 似乎他很有機會會從九月起來這個 lab。 約略講左幾句， 好像幾 nice 的一個人。 不過有待觀察。 另外畢丹同學也來了， 不過真係唔知佢黎做乜， 入到黎， 笑笑口走埋黎， 乜都唔講， 問佢準備 interview 點有唔知想算， 句號。 短短兩三分鐘有五六次 dead air， 唔知點解自己做緊野都仲要唧些話題出來......
夜晚本來一向在附近的肉舖買晚餐， 點知今日突然休息。 結果走了去遠點點的小型超級市場。 第一次去， 不過才發現很多東西也很抵買。 而且似乎開得比較夜， 以後可以多點來買野。
講講嚴肅少少的問題。 六四十八週年。 其實真係唔太深刻印象。 那時九歲， 有點印象有個獅子頭（好似係岑健動？）唱愛自由（當然還有很多其它人唱）， 小學生便玩玩下的係咁唱“愛豉油”， 那時的確是自己最頑劣的時期喇。 這些人佢死佢事， 當時真係唔知自己諗乜。 不過一年一年的過去， 依然有班人堅持紀念這個日子， 亦使這個當年愛豉油的死仔關心當年發生的事。 老實講， 現在的中國政府還要幾時才正視歴史真係鬼知道。 爭取到這個最終目標的話當然最理想， 而最可怕的， 應該是這件事在人的心目中淡忘。 自己身在日本無法參與燭光晚會， 不過點都會心靈上支持平反六四的。 唔，得個講字添。 哈哈。