2007/6/8 (金曜日)
有點點累積了的眼訓， 結果去到九點幾先起身（比起以前都算早左喇）。 回到學校， 繼續看看關於點用 LaTeX 寫 paper， 大致也算順利， image 的問題也不過是昨日唔識用罷了。
吃完午飯之後死掉， 不過在研究室始終不適合睡覺， 小睡片刻起身睇番個 program 要加的地方， 諗諗諗， 大概也是那樣吧？ 寫了些草稿， 遲些再加。
話時話今日睇新聞， 淫審處評定三大報的風月版為第一類“既非淫褻亦非不雅”， 真係笑大人個口。 這樣就突顯了這個審裁處的多重標準（因為審裁員每次不同）， 而且之前在學生報唔關佢事但又在報章發言的淫員， sorry， 淫審專員俾個天佢做膽都唔敢公開話東方太陽蘋果“好可能評為二級”， 明顯地這個制度就係一個 bug 喇。 問題就係幾時去 debug 罷了......