2007/6/17 (日曜日)
家兄在日本的尾聲。 和昨日一樣去了不同的地方。 先是在横浜一帶買些東西， 之後番學.... 因為佢想參觀學校喇。 不過反而過了隔離的慶應高， 剛巧有棒球比賽， 見幾得意就看了一陣， 到現在自己都唔明佢地點解可以咁高 tension 咁熱血， 唔通自己老得濟？ 哈， 哈， 算了， 之後去了矢上キャンパス， 自己每日都在這裏過， 當然地沒有甚麼特別喇。 不過似乎兄長幾有興趣就即管來看看。
之後去到渋谷， 也是自己幾常到的地方之一， 不過在那裏的 NHK Studio Park， 就沒有來過， 入去玩玩， NHK 裏面的電視制作過程， 數碼廣播等東西， 全部也幾有趣， 有點點想去扮做新聞報道， 不過自己的日本語， 唔， 還是選擇了藏拙了。
最後一站選擇了新宿。 大部份香港人到日本旅遊也是選擇以新宿為中心跟住周圍走喇。 不過由於家兄住在自己屋企所以就還沒有去。 新宿可以做的， 基本上是買東西吃飯， 還有最後看夜景。 吃完東西後其實都幾夜， 擔心唔夠時間看夜景， 不過都好彩， 上到 NSビル的 29 樓。 這裏基本上也是餐廳， 即係唔幫襯就好難有夜景睇， 不過好彩還找到一個小小的地方可以影下， 而另外升降機外的景色也是一絕的， 可惜好難影喇。
之後在火車上基本上也是死了一樣.... 回到屋企， 家兄也要準備明日回程了。
雖然唔係太多， 自己都影了些相。