2007/6/21 (木曜日)
智慧齒－－冇左一隻喇
整日就準備迎接晚上剥牙， 沒有太好心情做野。 一早回到學校， 也只是無無聊聊的做野。 下午死人都緊持出去外面食餐好的。 到了就近的一間餐廳食羊扒， 很好吃， 有少少硬...
下午再做少少野之後， 早走。 去牙醫診所前先買了少少啫喱當晚餐。 回家放低 d 野之後， 出發去刑場。
今日的流程如下:
6:30 到達牙科醫院的四樓
6:35 聽了少少説明之後打麻醉針， 跟住影了張口腔相。 和予期不同今次只係剥左上那隻智慧齒。 下星期到右上
6:45 開始剥牙
6:48 剥牙終了。 繼續止血等工作
6:55 咬住舊綿花， 緬懷一下這一生人做過的事...
7:10 依然咬住舊綿花， 聽醫生講完一些要留意的東西後， 禮成。
今次剥牙再一次感明白到自己係一個幾咁遲鈍的人。 首先打麻醉針， 痛就有少少痛， 類似食魚哽骨咁上下吧？ 局部麻醉， 口裏面還有感覺， 不過覺得怪怪地。 跟住影那張相， 其實唔知為乜， 佢話影就影囉。
之後“好， 開始吧”， 唔， 係唔係已經麻醉左架？ 唔多似咁喎。 不過都冇太多時間諗， 個醫生就把一些東西放了入口（睇唔到係乜）。 都總算知道佢做緊野， 而且好似都幾用力， 但真係唔覺， 口裏面觸覺講真冇乜（前排的牙都感覺到有些東西出出入入喇）， 不過出奇地有聽覺， 仲要係那些聲係直接又骨傳入大腦。 厲害！ 跟住心諗， 睇怕佢都差唔多認真開始剥呀吧？ 同時間醫生話“OK， 搞掂了。 跟住幫你止血”
......下？ 搞掂喇？ 辛苦哂了， 雖然自己乜都冇做過。
止血， 雖然花了點時間不過總算順利。 咬住（舊綿花）唔放的感覺真的麻麻。 止血後醫生行開一陣， 自己一個人對住隔離隻紅中帶白又有點點黃的智慧齒， 蛀了少少的它， 看起來有點寂莫， 放心， 雖然唔可以在口中生存， 我會帶你番屋企好好保管的了。
最後醫生都話“蛀了少少， 算是早剥早着吧？”， 專業知識都唔需要質疑吧？ 下個禮拜剥另一隻。 下面兩隻“最後大佬”唔知幾時處理， 到時先算。 題外話， 今次只用了1720円（百多元港幣）， 抵！
現在差不多十一點了， 麻醉藥都散得七七八八， 不過又唔覺好痛喎， 真的要感謝自己的遲鈍。
影了兩張相， 第一張是今日的藥和左上智慧齒（包住睇唔到）， 另一張係今晚的晚餐－－啫喱。 飲左兩包， 好肚餓.... 早些訓好過...
