2007/12/13 (木曜日)
下午和 Mac user朋友 R 君食飯時， 突然好奇問佢有冇用最新的 Leopard， 完全意料之外的佢突然火都黎嘛， 覺得我好像撩交嗌。 當場覺得奇怪， 當時的情緒有點高漲， 所以有很多內容都唔記得了。 不過簡單地說， 就是我和一些其它 Linux user 有時就像一些 fundamentalist 般的講 Linux 幾好幾好， 同時把其它 user 踩到很低咁。
唔， 首先澄清一點， 立場上， 我所踩的應該只是 Windows， Mac 講真有錢的話都想買部玩（不過有錢都買左 PS 3 先）， 所以都冇理由踩 Mac。 至於 user， 如果係 hardcore Windows/Mac user， 有時我都會同佢 fight 過。 不過一般黎講佢用乜 OS 唔關我事， 總之你個 Windows 有乜頭暈身熱唔好煩我就得。
不過立場歸立場， 始終有時在這些東西上的發言似乎有不少時間踩過界， 所以都會得罪唔少人喇， 而似乎今次 R 君也是因為我的發言而起火似的。
習慣上自己也是澄清自己的立場喇。 不過都好像冇用， 加埋兩個和事佬都係咁話。 後來冷靜一下， 也想到自己的言論真係過位都唔定， 後來 send 了個 message 俾 R 君道歉， 事件也算是平息了。 一個很貴重的教訓...