2008/2/8 (金曜日)
一早老豆單挑大哥的一幕， 帶來不少不安的氣氛， 甚至最壞的提議也出動了， 各方面也應該要點時間冷靜。 要行到那一步的話， 自己絕對不會好過。
下午姐夫的父母來了食飯， 表面太平的氣氛， 家姐不經意的說了一些無關重要的東西， 卻換來老媽子一句局外人無法明白的說話。 當時家姐都一頭霧水， 那是最壞的打算， 不過， 現在的情況去到幾壞， 真係未知之數。
煩都冇用， 今日陪了家姐姐夫去一個小學同學屋企坐， 小學畢業以來都冇黎過喇。 這個朋友一直的在玩 Xbox， 那隻 game 靚係好靚， 不過真的幾悶。 冇計。
之後去元朗買些東西， 被送了一對鞋， 謝謝， 吃點東西時傾了屋企現在的問題。 睇法大同小異喇。 不過也得看看這幾日的進展。
食完直接出發去家姐的新居， 今日主要的目的係打 PS3， 那個七山寸投影和中級喇叭， 打機和睇戲的感受真的唔同， 不過自己屋企就冇辦法做到了。 始終左右有鄰居， 開大聲少少都驚嘛。
今日就不斷的玩三国無双5， 很爽。 另一隻飛機 game， 很悶。
另外家姐養的兩隻狗， 很好玩， 但未免太過熱情了。 哈哈。 暫時就忘記家裏的煩事吧。