2008/3/22 (土曜日)
移動日
又係一早起身。 冇計， 架機鬼咁早。 五點幾要食早餐， 即係四點要起身。 未習慣時差可能反而容易起身？ 點都好， 五點半就坐的士去火車站。 鬼咁早， 買車飛的 counter 都未開， 好在頭班車之前都開左， 如果唔係都唔知點買飛。
上到車和大槻先生一齊坐， 傾左陣關於論文等東東。 唔。 有點壓力， 不過也要些壓力先推得郁自己喇。
坐三個幾鐘機， 又番到芬蘭的機場。 但唔同的係今次有鬼咁多時間轉機。 五個幾鐘頭。 不過實在太攰， 而且冇軍資金， 所以決定留在機場...
等左好耐終於上機。 今日基本上就咁冇左喇。 西先生坐在隔離， 很後生的 professor， 有點無聊， 教左佢玩数独....