2008/4/23 (水曜日)
本來今日放假。 不過之前應承左個台灣人去幫佢開戶口同電話， 唔， 冇所謂啦， 之前應承左就係架喇。 去到學校附近會合， 開電話之前首先要開戶口， 所以去銀行先。 本來一路都冇乜大問題， 填 form， 填填下發現要寫電話， 唔， 唔， 唔。 冇記錯好似係為咗開電話所以嚟開戶口的， 唔...... 唯有試下去開電話。
去到電話舖頭， 又係填 form， 不過中途發現完全對稱的問題：冇戶口（也沒有信用卡）開唔到電話。
Dead lock。
冇乜人知道解決辦法。 唔理， 去食飯先算。 之後再去銀行， 強行地用左我個電話登記先， 總算開到戶口， 而電話也隨即 OK。 唔。 咁就整左幾個鐘（開電話用了唔少時間）。
由於放假關係， 等佢拎左電話之後就走了。 咁就冇左半日。 番屋企休息下好過。