2008/7/16 (水曜日)
朝早改番好份 paper 啲手尾， send 咗俾笹瀬先生改。 番到學校基本上就係 outline 埋另外一個 reviewer 的 comment， 有些新的 code 要加上去， 先整理一下。
下晝食飯時撞見朋友 R 君， 結果好鬼悠閒的講咗成個鐘嘢。 話題由 iPhone 對煮餸， 真係乜都講餐飽， 意外的係佢對我捐血一事有好大化應。 唔， 其實自己真係唔覺得係乜嘢一回事喇， 自我滿足又好， 幫人又好， 興趣又好， 做到咪做囉。 叫我捐錢講真就難好多喇。
下晝無聊咗一陣， 終於等到笹瀬先生得閒傾。 結果傾咗成兩個鐘頭（！）， 今次剩係傾 reviewer A 的問題， 有好多嘢要執喇， 包括回答文的寫法， 內容等等。 當然笹瀬先生也不忘講下歴史啦。 兩個鐘頭， 算快喇掛？
Anyway 今日唔理咁多喇， 放低工作先算。