2008/7/26 (土曜日)
戦利品:
二人三脚 misono
今日本來羽毛球休息日（因為一路去開的體育館休息）， 但其中一位 H君今日都想打， 反正自己都想打， 所以就同咗佢去近新横浜的一個體育館。
不過今日真係唔太順利。 首先因為唔熟環境， 行錯路， 遲了去到體育館。 去到， 羽毛球 full 咗， 冇辦法之下先去了附近食嘢。 那間餐廳都算 OK （普通 ファミレス喇）， 不過個 soup bar 真係離哂譜， 擺明歧視左手人？
點都好， 食完就再去體育館排隊。 排隊時分別去了換衫， 換衫時筒羽毛球碌咗落地， 唔理佢住繼續換， 搞掂之後， 唔？ 筒波呢？ 去鬼咗邊？ 搵搵搵， 又唔喺 locker， 地下又冇， 唔？ 唔？？ 唔？？？ 冇咗？？ 新買㗎喎， 撞鬼喇... 雖然唔太貴， 但係就正正想試下呢筒波好唔好打嘛， 咁快唔見咗試條命咩？
之後都係搵唔到， 冇辦法之下同體育館買咗兩個波用住先。 終於都有得打， 不過鬼咁熱， 冇冷氣嘅情況下兩個人打， 雖然 H君未至於要用全力打（哈哈， 失禮哂）， 不過熱就係熱喇。 比起平時要唔少禮力？？
打完之後成身汗， 直接番屋企去也。 冇力做其它嘢...