2008/9/14 (日曜日)
明明星期日， 不過實在冇錢 orz.... 所以去咗試下做一份低技術 part time(始終時間彈性夠大係唯一嘅好處)
一早起身， 出發去金沢... 在一間金屬廠， 主要就係幫一間電子公司（好鬼出名嗰間呢， 四個英文字母）嘅 digital camera 做打磨， 就係放個瞉入部機， 做完面做底， 一個 process 四個人， 出入／底面啱啱四個 combinations， 於是就不斷重複同一個動作.... 錢原來真係幾難搵。
整個過程唔駛用腦但係又要集中， 不過都有空檔諗下無聊嘢喇， 最諗唔明係今日其中一個同事究竟係男仔定女仔嚟呢？ 外表中性， 把聲點聽都係女聲， 但其它嘢又係男仔喎... 結果收工時都冇一個確實嘅答案.....
返到屋企， 散哂！！