2008/10/14 (火曜日)
一早返學校， 話時話笹瀬先生朝早未去 APCC， 所以留咗喺 lab， 傾咗啲閒計， 唔， 點講呢， 反正今日都冇乜時間留喺 lab， 吹吓水都冇所謂喇。 食完飯， 臨趁住走時撞正笹瀬先生準備出門口， 放時唔知點解又傾咗成半個鐘。 あれれ、APCCは？
不過話時話笹瀬先生今年真係幾擔心研究室嘅情況， lab 裏面日本人學生嘅水準好似一路咁低咁， 今年嘅進度， 真係好令人擔心咁囉。 於是佢就出咗一招： 點名。 真係估唔到， 但係唔俾啲壓力嘅話又真係好難迫啲學生勤力啲喇。 自己擔心嘅係， 如果迫咗學生返嚟， 但成班人顧住吹水嘅話， 自己又可以做到幾多 output 呢？
下晝約咗一個香港 friend 幫佢睇電腦， 唔， 果然自己真係唔太熟 Windows 喇， 唔重新 format 都諗唔到計， 剩係幾隻 virus 都搞唔掂， 果然 Windows 唔係一般人可以用得到？ 結果下晝搞到夜晚， 都係唔得， 仲要越整越衰， 最後連 login 都唔得。 冇計， 朋友又趕住用電腦， 唯有幫佢拎返屋企 format 啦。
話時話， 整整吓電腦時， 突然收到嘅兩個 email， 唔， 由個心到笑咗出嚟， 朋友當時同另一個人傾緊計應該冇留意， 不過自己都知當時應該係喺度傻笑。 ありがとう！！覚えてくれて…