2008/10/22 (水曜日)
朝早繼續做嘢， 不過可能尋晚搏命得濟， 冇乜精神咁， 都冇辦法啦。
下晝又 meeting， 兩個留學生嘅 report， 結果唔關自己事都要去聽（因為其它日本人嘅英文唔係好得）， 都幾攞命。 好多都聽唔明， 不過因為人數少咗， 所以 discussion 都叫做容易過平時喇。 唔。 唔。
Meeting 之後唔知點解又突然好好進度。 唔， 唔， 個simulation program 都叫做差唔多完成喇啩？
夜晚租咗劇場版名探偵コナン「戦慄の歌譜」睇， 之前其實入戲員睇咗， 不過碟都想翻睇幾次， 始終打電話嗰一幕唔係好信囉。 呢次劇場版同平時唔同嘅係少咗好多 action 場面囉。 爆炸場面就基本上走唔甩， 不過其它嚟講就真係冇乜（中間狙撃嗰幕都算係啩？）。 冇計， 考慮到犯人係那個 xxxx (保密情報)。 Anyway 都算幾好睇嘅一套戲。