2008/10/24 (金曜日)
尋日過早瞓覺， 結果今日五點鐘就眼光光等天光， 起身做嘢都唔係話唔得， 但係一諗到今晚有廣東話班， 休息多少少應該會好啲啩？
返到學校， 進度就一般啦， 唔算係太清醒所以都係做啲細眉細眼嘢， 不過真係發現自己寫 Java 係好過寫 C++ 好多咁囉。 始終以前有經驗嘛。 有時間其實應該執番好過 JNI 去 call GLPK， 不過都係遲下先算喇。 反正都唔會有乜嘢大變動啩？
夜晚廣東話班， 見好耐冇教過文法嘅嘢， 執番好佢先得， 唔， 始終教文法時有少少難度喇， 之後繼續 RTHK 嘅 Podcast， 去到呢度就連比較高 level 嘅幾個人都覺得難喇， 不過認真嚟講呢啲先係正常嘅速度喇。 所以都覺得應該練習下會好啲。 要擔心嘅係有幾個比較 beginner level 嘅人喇， 唔。
夜晚吹水團， 唔， 坐位嘅關係比較多同新參加嘅 E ちゃん傾計， まあ、仕方ないか。