2008/12/21 (日曜日)
起身時屋企已經冇人， 冇計之下執好個人， 走咗落街大家樂食午餐（一路都搵唔到盒 wax）， 食完， 返屋企悠閒一吓， 走去元朗會合今次令自己返嚟嘅兩個人－－一對新人喇。
去到元朗， 會合咗 S 君， 跟住 C さん， M 君同埋 K さん都前後腳到， M 君尋日見過， 另外三個人都真係好耐冇見喇。 傾婚禮當日嘅細節等， C さん同 M 君當日做 MC， 應該冇問題啩？ 總之佢哋唔好太緊張就得。
好快嘅時間， 跟住夜晚由於要返屋企食飯， 所以六點左右就閃人喇。 返屋企去也。
去到屋企， 又走返落樓下間酒樓， 六個人食飯， 都係求求其其咁。 吹吓水， 屋企雖然有幾大嘅變化， 不過總算冇唔可以解決嘅問題啩？
一路講電話一路係咁咳添....