2008/12/27 (土曜日)
尋日去完婚禮， 瞓到隻死豬咁。 Anyway 下晝回復遊客 mode。 行吓香港嘅法定古蹟咁啦。
坐巴士出去， 其實唔太熟巴士線， 結果去咗旺角一帶落車， 去雀仔街（！）， 真係估自己唔到。 不過原來真係幾得意㗎喎。 死啦， 咁搞法覺得自己越嚟越唔似一個香港人添， 真係俾某個人講中， 變咗一個偽香港人.... まぁ。いいか（反應都咁多日文添）
之後古蹟之旅， 去到瑪利諾書院， 不過冇諗到， 但係理所當然唔俾入， 唯有喺外面走嚟走去啦。 好鬼大間， 跟住附近又有人喺教堂結婚， 唔， 果然最近好多人結婚， つうか僕もそろそろその年かな...
之後約咗幾個科大朋友去譚魚頭食， 好耐冇見， 唔， 冇次見佢哋嘅話題都可以幾唔同， 點都會講吓日本啲嘢， 跟住仲有經濟問題咁啦， 始終各位都出咗嚟做嘢嘛。
之後下場去咗麻布十番 orz... 都冇所謂喇， 好食就得啦。 返屋企， 聽 F 君話去豐景園落車， 行咗陣返到屋企喇。 唔， 屯門嘅地理始終都唔多熟...