2008/12/30 (火曜日)
下晝去天后同佢食 lunch， 雖然考完試但係好似有好多嘢等住佢做咁， 好似幾辛苦咁， 希望佢冇問題啦。
嚟到港島， 分別諗起一個以前 EE 同學同埋一位舊同事， 舊同事應該要返工， 於是搵搵舊同學， 而家佢就幸福啦。 有個兩歲大嘅仔， 幸幸福福嘅少奶奶生活， 上去吹吹水咁啦。
之後見今日最後一日， 再 meet 一次周生周太， 結果同佢地走咗去睇床槈（？）， 兩萬銀一張床槈都幾係嘢。 不過一瞓就十年， 搵張靚嘅都無可厚非嘅。
之後有啲時間， 終於可以去買龍鬚食喇。 咁鬼多日都有啲咳， 今日臨番日本最後一日， 老虎都同你死過！ 不過銅鑼灣近 Time Square 呢間， 真係好唔掂囉。 麻麻地食得落肚...
夜晚屋企好熱鬧， 老媽子阿哥家姐姐夫， 難得熱鬧， 係咁食... 返到香港唔食唔通做乜？？