2009/1/14 (水曜日)
好難得， 平時就算早起身都唔會特別早返到學校， 不過今日竟然做到第一個返學嘅人， 少有少有。 返到學校， 其實有少少魂不附體， 不過都係咁寫 code， 完全入咗寫 code mode， 都好， 好過傻更更望住個 monitor。
下晝同 R 君同埋佢一個馬來朋友（唔記得咗叫乜嘢名添）食飯， 第一次見面嘅朋友， 互相了解吓咁啦。 不斷咁吹水。
食完飯飯氣攻心， 已經去到完全做唔到嘢嘅地步， 算， 休息吓先。 反正之前份 report 都算係寫好咗。 不過係啲 code 想盡快搞掂佢。 進度都算係咁啦。 之後做埋啲 database 嘢， 應該會好啲啩？
夜晚返到屋企， 抖咗陣之後繼續寫 code， 突然間咁勤力都有嘅... 都係好事嚟嘅。
呀， 仲有， 生日快樂呀！