2009/1/25 (日曜日)
打邊爐＠Ｙ宅
今日去其中一個廣東話學生嘅屋企打邊爐， 本來有七個人， 但係有兩個人放飛機， 冇辦法啦， 剩得五個人。 不過其實嗰兩個人都未見過， 唔緊要啦。 Anyway 首先喺渋谷買咗啲嘢食先， 醬爆丸同埋貢丸真係唔係到到都有得買嘛。
去到中野， H 君遲到， 冇計啦， 不過到 H 君嚟講另外三個人都係第一第二次見， 而另一個朋友 I さん就更加三個人都第一次見。 五個人， 兩個香港人， 三個日本人， 幾有趣嘅 combination。
自己煮嘢食都幫唔到乜嘢手（應該話， 剩係切嘢冇嘢好幫）， 結果就幫有 set wireless LAN， 執豆咁執啦。 簡單。 好快就有得食， 兩個鍋， 有辣有唔辣， 兩個都好好食， 仲有貢丸有爆醬， 完全係港式打邊爐囉。 Anyway 全部人好悠閒咁食。 星期日嘛， 悠悠閒閒， 吹吓水玩吓貓咪幾好。
話咁快就完咗一日， 跟住去咗渋谷飲嘢， 但係中途突然覺得好眼瞓， 唔掂， 死得.....