2009/2/8 (日曜日)
龍鼓灘燒嘢食， 一行六人。 坐巴士， 之前兩日仲擔心㗎巴士太慢， 不過見佢哋坐巴士咁開心就冇乜所謂啦。 坐吓坐吓去到目的地， 起爐， 個肥仔以為我係日本人。 搞笑。 呢幾個人裏面有人第一次燒嘢食， 同埋燒起上嚟時都有好多嘢可以 comment... 唔， 唔緊要啦， 打天才波嘛。
之後燒得七七八八時上暸望台， 幾靚吖個景， 可以望到去機場嗰邊， 不過呢啲時間都真係醉翁之意喇。 差唔多日落時間， 所以都好靚吓。
解散前， 其中一個朋友八達通增值時食錢， 要用車站個 interphone 求救， 不過住咗香港咁耐都真係第一次用呢個嘢。
後來解散之後去小學同學屋企坐咗陣， 佢隻鸚姆識得剥瓜子... 好驚囉。