2009/2/9 (月曜日)
朝早去咗 Sくん屋企坐吓， 其實應該係香港嚟講幾普通嘅一個住宅， 不過香港嘅普通好多時就係日本嘅唔普通喇， anyway 有相睇吓我都覺得幾得意囉。
之後中文大學 tour， 自己都係上次 M 君畢業時先嚟過一次， 所以今次都係俾人帶囉。 而家就真係啱啱開學， 所以都幾多學生， anyway 呢間大學對於 H ちゃん同埋 A ちゃん嚟講都好有特別意義喇， 始終嚟過一年 exchange 嘛。 佢哋都幾得意， 比起自己讀咗三年多嘅 W 大， 佢哋話中大比較有感情喎。 Anyway 去吓佢哋一啲以前去過嘅地方， 自己都覺得幾得意囉。
參觀完之後， 夜晚去咗出名沙田雞粥嘅火炭食嘢。 幾個人叫咗唔少嘢食， 好得囉。 喺日本真係冇咗好多好嘢食喇...