2009/3/4 (水曜日)
偷懶唔返學， 本來諗住寫好個 program 佢， 結果都唔係用得好多時間去過 program 嗰度。
唔， 真係 timing 唔係幾好， 咁啱呢個時候朋友 E 君同埋 S さん喺香港嚟咗， E 君嚟出 trip， S さん好似話被迫放冇薪假過嚟喎。 我都唔係好知詳細情形。 Anyway 尋日應承咗出嚟， 所以都要出。 不過佢一嚟個 message 就係話冇錢...
吓？？？
冇錢走嚟旅行？ 出到去見到佢時， 佢同我講話帶唔夠円過嚟， 唔好玩啦。 跟住仲要加多句話因為啲錢拎哂去夾公仔...
吓？？？？？？
真係幾識搞笑㗎喎。 唉， 唔理咁多， 佢可以連 cash card 都冇帶， 去銀行又嫌食水深， 所以想我幫手。 總之我死人都唔收港幣㗎喇， 唔知收嚟做乜。 其實真係唔應該幫手， 不過算啦。 玩佢一陣先算。 扮冇錢（其實真係唔係好多錢可以借）， 唔理， 行咗陣， 去吓旅行社， 幫佢哋問去伊東嘅嘢， 之後再去食嘢， 過咗陣做完嘢嘅 E 君都嚟到， 吹吓水咁， 之後就去銀行㩒咗錢俾佢哋， 唉， 真係心軟得濟。
其實真係幾大鑊， 呢個時候 deadline effect 都應該差唔多嚟料喇啩？ 但係後日又有死人 GCOE presentation.... 嘥哂啲時間....