2009/3/12 (木曜日)
戦利品：
ギャラクシーエンジェルＩＩ 永劫回帰の刻 デラックスバック
今日返學校做埋少少埋數嘅嘢， 用咗三十萬， 要交番 report 㗎嘛， 不過乜嘢都齊， 就係搵唔到本 bankbook， 奇怪， 尋日先打完簿， 去咗邊呢？ 講開嚟尋日同今日件外套唔同， 尋日去打簿之後就袋住本存摺... 唔， 原來係咁。 今日係 deadline 前一日， 聽日又有 meeting， 即係話今日唔搞掂就好麻煩。 唔... 冇計， 返屋企拎
返屋企前買咗今日嘅戰利品， 不過冇時間慢慢睇， 返到去搵到本存摺， 即刻返去， 乜都搞掂哂， 可以鬆番一口氣， 不過到呢個時候就突然覺得好眼瞓， 冇計， 尋日嘅生活節奏完全亂哂， 今日有精神就真係有鬼。
返到屋企， 即刻就開始永劫回帰の刻， 唔， 唔係かなん嘅畫始終都好唔自然（之前絶対領域の扉都係）， 唔理咁多先喇。