2009/3/17 (火曜日)
蛇王， 留喺屋企， 本來諗住留喺屋企都應該做到啲嘢啦， 不過一如以往， 始終喺屋企嘅話冇 deadline effect 好難做到啲乜嘢出嚟。 剩係整嘢食等等， 其實都要幾多時間....
anyway 夜晚約咗包括 E さん在內嘅一班東大人， 對上一次見應該都係 E さん披露宴嗰時喇？ 過埋今次之後睇怕都冇乜機會見到 E さん， 今次名義上係慶祝佢“九州大合格＋新生活開始”， 不過其實都包括 farewell 喺入面喇。 唔， 前幾日先幫 O さん搞完 farewell， 今次又到 E さん， 呢個季節真係有少少傷感。
點都好， 去到渋谷時其實早咗去到， 行咗陣， 去到 Outback 時 E さん已經到咗， 哎呀呀， 咁早嘅， 要主角等。 Anyway 其它人都陸續嚟到， 中間有少少時間鼠咗出去整本相簿， 本相簿係 I くん嘅 idea， 自己都預備咗一個 message 俾 E さん喇。 其中一小段：
101 + 110 = 幸せ∞
正常人都應該睇唔明㗎喇， 不過冇諗到連主角都諗唔明囉， 唔緊要啦， 唔明咪解到明囉。 之後都係不斷食飯吹水， 新見嘅一位朋友 K くん， 意外地有趣， 有機會都可以傾多啲喇。 最有趣嘅應該係佢過咗好耐突然間問咗我一句
你學咗廣東話幾耐？
真係估你唔到... 完全意料之外嘅一個問題... Anyway 今日見咁多朋友吹咁多水都算係幾唔錯嘅一日喇！