2009/3/31 (火曜日)
平靜嘅一日。 朝早瞓晏咗少少， 不過都仲 OK 啦。
返到學校， 做咗少少嘢之後就去咗食 lunch， 不過真係早過平時好多囉。 唔係好慣， 冇計， 一點有 meeting， 唔早啲都唔得。 但係因為笹瀬先生有事遲到， 個 meeting 延遲咗..
個 meeting 結果喺笹瀬先生未到嘅情況下開始咗。 唔， 冇乜所謂喇。 反正都唔係聽。 去到兩個由於有 ITC (Information Technology Center) part time 嘅 briefing， 所以中途走咗喇， 唔， 結果 part time 都係做返自己最熟嗰行。 仲好， 唔駛點 pick up， 一齊做嘢嘅人起碼都有啲共通話題啩？
有啲意外嘅係元 GCOE 嘅一個同學都喺個 briefing 裏面， 呀， 唔記得咗佢已經冇喺 GCOE 做 RA， 結果嚟呢度做 RA， 唔， 人工偷睇到都叫幾 OK 咁啦。 畢咗業之後未搵到工嘅話都可以考慮吓。
Briefing 完之後， 總算可以專心返個 research， 唔， 之前諗到嘅嘢好似有少少問題... 不過唔掂咪整到掂囉。 冇乜嘢好煩！