2009/5/8 (金曜日)
完咗尋日嘅 PhD forum， 總算可以做返一啲自己應該做嘅 research 嘢， 雖然結果走咗去 tune 電腦同埋 revise paper， 哈哈。 之前一直都冇理太多， 不過部 notebook 如果 boottime 可以快嘅話冇乜理由唔整快佢啫？
結果 tune 咗一啲 boot parameters， 的確快咗喎！ 由本身嘅 45 秒左右去到 30 秒， 33％ 改進喎！ 再玩吓應該可以再短啲， 不過以實用 （i.e. 喺火車裏面 boot up）角度嚟講其實都夠喇。
夜晚廣東話班， 拎咗益力多嘅廣告嚟用， 又幾好用喎。 不過自己近來都冇點留意香港嘅廣告喇， 意外哋都仲有幾多經典嘢， 得閒慢慢睇吓ようつべ都好。 話時話見返幾個近來好少嚟嘅學生， 又突然有返啲鬥志。
話時話今日遇到一啲平時唔太多機會見到嘅嘢：
- 彩虹， 好耐冇見喇。 上廣東話班之前見到一大班人拎部電話出嚟向住青山學院影， 有乜好影呢？ 一望之下就見到好大條彩虹。 話時話真係唔知幾耐冇見過喇。
- 頭破血流。 對上一次已經係上年七月嘅事喇。 今次嗰個人應該係失足跌落電梯啩？ 旁邊有支拐仗， 車站嘅職員都清哂場等救護。 意外真係冇乜好講。
- 給付金嘅申請終於都嚟咗喇。