2009/5/13 (水曜日)
又試遲起身， 真係有少少撞鬼， 冇計啦， 唔堅持準時瞓覺時就有超過一半機會起唔到身。
Anyway 都要返學， 不斷咁寫 program， 唔， 之前真係寫得冇乜計劃喇， 所以點都要做好啲。 另外有啲時間去咗 lab 坐咗陣， 咁啱笹瀬先生入咗嚟， 結果就吹咗好耐水， 偶然咁樣其實都幾好， 始終係佢先會知道好多學生唔應該知嘅秘密， 亦都係佢先會毫無保留咁講哂出嚟（いいのか先生？！）， 例如最近發生喺自己大學最大件事應該係嚟緊會換塾長， 關於安西先生（註：同 Slamdunk 嗰個冇關係）， 始終自己知嘅都係有限公司喇。 意外地幾有趣。
食完飯之後提早死亡， 但係好快又唔知點解起返身， 唔， 咁嘅生活節奏遲早死咗都唔知乜嘢事。