2009/5/28 (木曜日)
戦利品：
ハヤテのごとく！キャラクターＣＤ９
返工， 可能因為學期中啦？ ITC 嗰邊好似多咗少少 tricky 嘅問題。 有好多時都唔知可以點解決， 或者咁講， 問題跟本冇解決到， 但用某啲方法去避鬼咗佢囉。
舉個例， 以前都試過㗎喇。 MS Office 有時啲 file 會話 corrupted 咗定唔知點咁， 總之就係開唔到。 幾十頁紙嘅 report 喺哂裏面， 你突然話俾我聽開唔到真係唔知可以搵邉個死過， 呀， 死過都冇用， 唔得就係唔得... 不過呢個時候， 唔知點解同 MS Office 一路都係死對頭嘅 Openoffice， 乜都唔同你 complaint， 幫你開到個 file 喎。 都真係幾諷刺， 喺呢個時候俾幾萬円買嘅 software 都完全唔及免費 download 嘅 software， 真係好想知嗰班人點做嘢㗎囉。
Anyway 除咗有問題嘅時候之外， 基本上都係清閒， 坐吓坐吓， 唔覺意瞓着咗... 咦？ 好似返緊工㗎喎。 唔緊要冇人睇到... (啩？)