2009/5/29 (金曜日)
返學校又係唔知自己做乜， 搞掂咗啲廣東話班嘅 script 之後， 就不斷咁同新嘅 opensource radeonhd driver 死過， 冇理由 Ubuntu 得 Gentoo 唔得㗎嘛。 試就試唔好咁多嘢講， 唔， 結果呢， 唔係話 boot 唔到機， 不過好似好鬼易 hang 機囉 。咁落去都唔係辦法， 唔， 慢慢試吓先得。
夜晚嘅廣東話班， 溫咗少少發音嘅嘢之後播黃子華嘅棟篤笑， 不過好似難咗少少， 同埋啲學生唔太明啲笑位咁囉。 唔， 唔， 又真係唔明都唔出奇嘅， 我都唔太明日本嘅お笑い， 所以都冇辦法。
話時話因為種種誤會， 今日本來會參加嘅 M さん以為 cancel 咗所以冇嚟到喇。 哎呀... 冇計啦， 睇下次囉。 不過話時話， 原來呢個 blog 其中一個用途係用嚟學廣東話， 仲要係喺東京唔知邊個地方俾人朗讀.... 冇嘢好講。