2009/6/12 (金曜日)
改完個 algorithm， 諗住問題不大， 誰知另一隻臭蟲又走咗出嚟， 果然大執嘅時候會有唔少問題走出嚟， 都唔係冇諗到， 不過真係冇諗到嚟得咁密啫。
解決唔到住都冇辦法， 其它仲有幾十個 tasks 等住自己去做， 處理咗其它問題先。 不過其它問題又有啲另外嘅麻煩嘢阻頭阻勢， 都唔明喺咁嘅情況之下自己之前點解可以咁悠閒㗎囉。
Anyway 夜晚廣東話班， 兩分鐘多啲嘅內容， 唔知點解講咗兩個鐘都剩係講到一半， 係唔係真係太難呢？ 不過正常人講嘢就係呢個 speed 呢個語氣㗎喇， 所以偶然俾啲認真少少嘅內容刺激一吓都唔錯？（自我欺騙？）
話時話， 生日快樂！