2009/6/21 (日曜日)
完全係前兩日嘅反動， 今日起身時已經係 4:00， 正確啲寫係 16:00... 瞓咗成十三個鐘先捨得起身...
決定咗唔教個廣東話班， 寫咗個有骨嘅 email，send 出去。 啃唔啃骨就睇你造化喇。 話時話有骨嘅嘢最近都好近都唔係成日講或者成日寫， 不過要寫嘅話可以好有攻擊性㗎。
跟住同其中幾個人傾呢個問題， 有人同意， 亦都有人唔知頭唔知路， 不過覺得自己寫嘅嘢難明。 有幾難明我就唔知， 不過諗返轉頭寫嘅嘢都係幾 pin point， 所以唔明嘅人就真係唔會明。
Anyway 既然大家都係大人， 要為自己嘅行為負責喇。 最對唔住嘅， 係當中幾個真係純粹想學廣東話嘅人。 喺呢方面， 唯有盡自己能力做一啲嘢啦！ 講到尾， 教廣東話本身幾好玩， 不過人際關係， 特別係大人間嘅人際關係自己就總之唔想理囉。