2009/6/27 (土曜日)
同窓会
朝早起身遲咗， 本來 B さん話今日多人嚟最好早啲去霸場， 結果都係同平時差唔多時間去到。 今日 B さん帶嚟嘅四個人， 基本上都係唔太識打， 不過其實唔緊要， 呢度一向都冇乜所謂㗎喇。 不過問題係其中一個中國人， 唔， 總之就係唔夾啦。 冇話題可言。
之後都係慣例去食嘢， 食完之後去咗渋谷同朋友 D くん買羽毛球袋， 睇吓睇吓自己都想買個， 其實之前都有諗過買， 今日咁啱有 30％ discount， 唔， 唔， 聽日前都仲可以諗...
之後夜晚一年一度嘅同窓会， 去舊年一樣拎住塊羽毛球拍去， 好鬼注目囉。 冇所謂喇， 唔通特登返去擺低咩？ 唔緊要喇， 見到好多以前嘅朋友， 亦都傾吓最近嘅嘢， 唔錯唔錯， 自己現役都係加埋出年， 之後唔知仲喺唔喺日本， 唔。 到時先算啦。
話時話， HT-03A 嘅 mock 終於都到咗， 唔， 九成九會換喇...