2009/7/24 （金曜日）
IFF 嘅最後一日， 都係冇乜特別嘢做， 生意都真係幾淡薄， 又係同隔離吹吓水咁。 咁樣白人工有時真係唔係幾慣， 冇所謂啦。 個老板都喺度用佢部 iPod touch check 股票..
完場之後清場， 都算清得幾快手， 夜晚約咗食飯， 有啲時間， 同咗隔離 booth 個老細（都係做皮革之類， 理論上係 competitor）去台場行咗陣， 原來嗰個老細以前都嚟過讀日本語， 不過一年左右就返咗去喇。 唔... 話時話台場有隻巨型高達， 離遠望都幾得意嘅， 不過都冇乜興趣慢慢睇。
之後食飯， 會場附近嘅一間居酒屋， 嘢食都算過得去嘅， 不過由於唔係禁煙， 真係幾大問題...
之後再去同幾個 TDC staff 去飲啲嘢， 結果原來其中一個係煙產， 真係估唔到， 最初都唔覺佢有味... 可能 IFF 真係太多煙產所以唔覺啩？ 唔通做 fashion／garment 呢行係多呢啲人？
Anyway 三日嘅 IFF 完哂， 可以大覺瞓喇...