2009/8/30（日曜日）
第二個 tour 嘅第三日， 朝早冇食早餐嘅情況下去到城西大学附属高校， 冇尋日咁遠， 但係早囉， 本來諗住去到食早餐， 學校附近又冇乜舖頭咁喎， 點都好， 去到學校問問個情況先， 不過都係準備緊， 就喺呢個時間收到電話 ... 又早到？ 你唔好日日都咁玩我啦， 尋日冇食晏時又係咁， 今日冇食早餐時你又係咁， 係唔係真係咁唔鍾意我食嘢先得㗎？
呀... 點都好， 會合埋今日嘅導師伊藤先生， 呢位伊藤先生應該係好出名㗎喇， 不過自己就完全唔熟咁解囉， 後來聽講先知佢一堂好似要收成四千元， 美金... 咦... 即係四十萬円左右？ 早知唔鬼讀 engine 俾心機讀音樂啦？ 一堂就差唔多係我兩個月嘅收入喇。 不過睇佢上堂時， 又真係唔到自己唔服佢收呢個價嘅， 自問呢四千元美金就點都唔係自己有能力袋㗎喇。 而且以今日嘅立場嚟講， 其實成個朝早都唔駛點做嘢， 因為伊藤先生本身英文又好， 都唔駛自己做乜囉。 當然同呢度嘅老師嘅各樣種種就要自己幫手啦。
食食吓飯， 當時已經鬼咁肚餓㗎喇， 不過中途有個肥仔見唔舒服， 其實都大為緊張， 後來見發燒， 唯有扶佢入醫務室啦。 之後有個 Miss 陪住佢， 希望冇大礙啦。
之後班人分批上堂， 幾個課室分別由唔同老師負責， 其中有啲都可以用英文溝通， 但係一個吹法國號嘅教室， 雖然得三個人， 但係就溝通唔到， 結果就不斷喺度做傳譯， 佢哋呢兩個學生都算係勁， 平均嚟計都真係 man to man 喇， 不過我就基本上只係照譯， anyway 都有少少教人嘅感覺囉， 或者呢次係生平第一次同最後一之“教樂器”都唔定...
一日基本上都係咁完喇， 其實都算係咁啦。 唔係太大問題， 送埋佢哋走之後， 基本上呢個 tour 自己嘅嘢就最哂喇。 呼...
夜晚， 總之就係休息喇...
2009/8/29（土曜日）
第二日 part time， 今日要自己嘅時間比較短， 不過去到春日部， かすかべだよー。 自己真係冇諗過會嚟呢個地方。 不過呢間春日部共栄高等学校其實唔係完全唔認識囉。 原因係らき☆すた本身嘅作者就係呢間學校出身， 而らき☆すた裏面嘅陵桜学院亦正正係用呢間學校估背景。 アニメ裏面亦都見到呢間學校， 所以都唔係未見過呢間學校囉， 理論上。
anyway 坐車坐車再坐車去到， 其實預鬆咗時間去， 所以去到有時間， 不過去到春日部， 本來諗住食啲嘢， 但係又見到架巴士喎， 唔知啲巴士幾耐一班嘛， 所以都係早少少去着數啲。。。啩？ 不過去到先發現出事， 落咗車， 圍住學校行咗一個圈， 唔， 乜都冇， 有田有幾間屋亦都有汽水機， 但係就冇餐廳， 冇辦法， 入去學校搵叿今日負責位老師打聲招呼， 順便 confirm 吓今日嘅 run down 都好。 講咗少少之後， 大概都冇問題， 之後就即刻問佢邊度有得食嘢， 因為都有啲時間應該都可以食嘢啩？ 點知講吓講吓， 架旅遊巴已經嚟到， 本來話兩點， 而家連一點半都未過... 駛唔駛咁早呀？
不過嚟咗都冇辦法， 唯有遲啲食 lunch 囉（應該諗都唔駛諗）， 完全殺我同埋個負責老師一個措手不及， ていうか， 明明叫咗個導遊打電話俾我㗎， 聲都冇。 跟住共栄嘅學生亦都陸陸續續走咗出嚟， 其實真係好鬼熱情囉。 自己都有啲俾佢哋嚇親， 話時話喎， 嚟咗日本咁耐其實都冇乜點樣同呢邊啲高校生交流過， 自己一直都係喺大學嘛， 甚至乎正式走入高校都好似係第一次？ anyway 學校上上下下都好友善囉。 而同上個禮拜唔同嘅係今次呢間香港中學就亦都好謙虚， 唔似得之前間香港小學咁自大囉， 所以個氣氛真係非常之好， anyway 喺會客室傾咗陣之後就去咗四樓嘅 hall， 個 hall 本身個坐位都係 for 某啲 performance 而設， 學校嚟講我諗都算係幾特別？
anyway 今次嘅形式都係先由日本呢邊學校演奏， 再由香港演奏， 最後就由雙方面合奏一曲， 上次小學都係一樣， 演出時日本方面除咗真係 play 件樂器之外， 好多時都會加啲唔同嘅動作， 而且表情都好豐富囉。 所以 overall 嘅感覺都好唔錯， 而同上次唔同嘅係， 今次日本呢邊除咗有表情有動作之外， 演奏方面都出色囉， 果然參加全國大賽嘅人果然係唔同啲。 自己其實真係唔太識判斷， 但係個氣氛真係非常之唔錯囉。
順利完咗之後其實有個交流會， 不過佢哋分唔同樂器自己交流， 我呢就同幾個阿 sir miss 入去同校長老師交流， 唔， 雖然傾咗好多嘢， 氣氛都真係幾好， 不過俾我揀嘅話我想同女子高交流多啲囉。 哈哈。 冇計， 收咗人工就自然要做嘢， 唔... 呀...
影埋相之後都總算完成今日嘅工作。 成班人上咗車， 不過因為唔同路嘅關係， 自己慢慢搭車走， 不過都好彩校長肯車自己去車站， 唔駛慢慢等巴士。 anyway 其實真係一個好好嘅交流囉。 自己感覺上都好有滿足感。 上次嘅感覺純粹係為咗份人工忍佢， 今次點講都係好 enjoy 個 process 囉。 真係人夾人， 呢個世界就係咁。
Anyway 完咗之後就去咗渋谷... 會合羽毛球朋友 Hくん同埋佢個朋友， 本來今日話去睇煙花， 結果都只不過係去食啲嘢就算。 都好， 吹吓水都唔錯嘛。 不過其實真係有啲搵命搏， 聽日朝早要去另一間學校， 今日又去到咁鬼夜...
2009/8/28（金曜日）
又再一次接 tour guide 嘅 part time， 上次嗰個 tour 真係有啲想死嘅感覺， 今次香港嗰邊 S さん話應該會好啲喎。 其實真係唔見過都唔知。
Anyway 今次自己一個晨咁早去到ヤマハ埼玉工場， 其實好耐以前因為另一份 part time interview 所以都嚟過一次埼玉， 不過之後真係應該都冇嚟過喇。 比起横浜或者東京其實真係感覺地方大好多， 話唔定自己其實鍾意呢類地方多啲都唔定。 不過又唔捨得横浜嘅夜景喎... 唔.....
去到等咗一陣就見到班人， 今次團人全車男仔（除咗隨隊兩位老師）同埋冇家長， 人數亦都自然少好多， 感覺上都比較容易控制啩？ 唔理得咁多， 入到去同幾個 staff 打聲招咪之後就入去 briefing room， 基本上由一位 staff present， 自己就即時傳譯， 其實日本語去廣東話嘅傳譯自己唔係太大問題， 最慘係啲樂器名好多時真係唔知點譯， 都好在佢都有少少就住自己， 咁都冇咁大問題。
present 完之後就去參觀工場， 自己冇接觸啲樂器， 其實都係睇到一頭煙， 不過睇啲嘢由一塊塊金屬片變成一件樂器， 望住嗰個過程涉及幾多人手， 終於都開始明白點解一件樂器可以賣到咁鬼貴。 尤其有啲係人手做嘅， 冇咁上下 skill 一件件同你磨都唔得。 anyway 其實就一路參觀一路傳譯， 嗰位 staff 第一次夾（正確啲講係第一次見）， 都算夾得幾好咁啦， 今次自己都算係滿意自己嘅表現喇。
之後隨團去到東京タワー食飯， 話就話食飯， 不過趕到鬼咁。 又要打電話 contact 之後間舖頭， 個電話仲係錯嘅。 整鬼。 搵咗一輪先搵到， 都冇計。 anyway 食完之後即刻出發， 呢班學生都算係聽話嘅， 雖然都磨咗陣先可以出發， 都預咗喇。
去到銀座嘅ヤマハ， 因為係臨時店所以都比較窄， 四十幾五十人入到嚟， anyway 等佢哋慢慢 shopping， 好似話有好多嘢香港都冇得賣喎， へぇ…， 樂器嘅嘢真係冇嘢可以講。 不過因為可以退稅， 所以俾錢時自己都有機會出場嘅。 但係每人買啲濕碎嘢湊夠一萬円以上嚟退稅， 但係又要分開逐個人俾錢喎， 嗰邊個 staff 都真係唔知點好。 本身其實已經俾咗 discount 㗎喇， 同埋每人買少少濕碎嘢就唔鬼好退稅啦心諗， 不過我都知十元都係錢嚟嘅。
去完ヤマハ再去山野， 都係樂器嘢， 始終都好多重覆嘅關係所以好多學生都冇理到， 自己周圍走喇， 後來咪俾個阿 sir 鬧到飛起囉， 其實自己都同兩個仔走咗去買嘢飲， 不過有我陪住兩個仔都算冇事喇。
之後又去到台場， 平時好日都唔嚟一次， 呢兩個禮拜嚟咗三次， 計埋之前傳譯 part time 又多一之， 再下個禮拜又嚟， 真係唔知自己發生乜嘢事。 點都好， 會合 S さん之後去咗台場小香港食飯， 真係諗唔明， 成大班人又香港嚟日本旅行， 點會安排佢哋去食香港嘢㗎？ 真係諗唔明囉。 唔理咁多， 自己應該係成團人裏面最開心嗰個囉。 平時有幾可有叉燒食先得㗎？ 哈哈。
overall 幾長嘅一日， 不過都好過之前小學班人喇。 仲有兩日同佢哋玩， 都應該冇問題嘅。
2009/8/26（水曜日）
戦利品
daily-daily Dream - Kotoko
ハヤテのごとく！！ 2nd Series 05 西沢歩
ハヤテのごとく！！ 2nd Series 06 白皇学院生徒会三人娘
正常嘅工作日啩？ 返到學校， 都好難返返做嘢 mode， 用咗好多時間唔知自己做乜。 後來都總算可以專心少少啩？
其實前幾日遇到嘅事真係搞到自己有啲心理唔平衡， 結果打咗兩個電話俾兩個重要嘅人， 一個係自己阿媽， 本來剩係想話自己差啲中 H1N1， 不過講吓講吓， 佢竟然叫我去 internet 唱衰間學校！ 哈哈， 當然自己唔係冇諗過啦， 不過冇諗過佢會提議用 internet 呢招啫。 某程度前幾日自己都寫咗唔少嘢喇， 不過一路都冇開名咁解啫。
另一個係以前 Physics 阿 sir C 先生， 其實講真自己遇過唔少老師， 但對自己啟發最大嘅都應該係佢喇， 講吓近來嘅故仔， 講吓以前咁。 講吓講吓， 佢提到以前嘅我係點樣點樣， 我都真係唔係太記得， 已經十年前嘅事喇， 不過自己當時嘅衝勁， 而家好似冇咗咁， 可能真係太多雜務要做都唔定啦。
2009/8/25（火曜日）
一早去到日吉， 因為同研究室嘅朋友 S 君嘅太太個胃好似出咗啲問題， 要去陪佢睇醫生（佢哋唔識日本語嘛）， 其實真係要用幾多時間， 前前後後都應該用咗三個幾鐘。 等嘅時間比較多囉。 まあ、有時真係覺得自己好人過龍， 自己啲嘢都未搞掂就唔馇理人咁多啦， 不過又放唔低， 好似痛咗幾個月㗎喇... 冇計。
本來之後約咗個人， 不過後來 cancel 咗， 都冇計， 照返學校做少少嘢先。 有好多嘢都未做好， 其實都真係幾大鑊， 論文都仲未改好添㗎...
不過下晝又約咗人， 去到新宿， 好耐冇見喇呢個人， 雖然平時上網周不時都會傾， 始終面對面又係另一回事。 去到食好耐冇食過嘅小籠包， 都算係幾好食， 其中有隻芒果小籠包同埋枝豆小籠包， 以本死嘅精神一試... 結果自己想像喇。
再去另一間 cafe 傾耐好夜， 呢個世界有時總有啲不可思議嘅故事， 哈哈， 對自己嚟講前幾日其實都已經夠不可思議㗎喇。 中途有啲眼瞓， 真係唔係幾好意思...
2009/8/24（月曜日）
手尾長...
朝早因為要等宅急便， 所以留咗喺屋企， 叫佢朝早嚟， 差唔多十二點先嚟到， 嚴格上冇遲到嘅， 不過成個朝早就咁冇咗， 冇辦法。
之後本來諗住返學校， 不過收到個 email， 發現出事
有四個學生中咗 H1N1...
吓？ 唔係啩？ 即刻打電話返香港搵旅行社個同事，
校長話想返香港先， 已經聯絡咗航空公司
當時諗到第一個問題就係
佢哋有冇通知日本交流嗰間小學？
冇呀， 校長話要 keep secret 喎
唔係啩？ 冇可能㗎喎， 等我去通知啦。
由於想呢班人上咗機先通知， 同埋旅行社理論上都唔需要同我講， 所以佢哋想我五點先通知。 都仲勉強可以接受， 萬一阻延香港班人上機一定有唔少麻煩。 順順利利解決件事仲好。
而結果自己都去咗睇醫生， 附近個醫生休息， 打電話問， 要去到みなとみらい先有， 冇計， 都要去， 不過間診所喺棟高級住宅嘅二樓， 又幾鬼靚㗎喎。 Anyway 睇完 H1N1 陰性， 可以放心喇。
之後打電話俾日本嗰間小學， 交待返件事， 嗰邊個老師都真係幾驚... 唔講， 一定仲麻煩...
話時話, 突然間諗起尋日喺お台場時其中一個學生講過嘅一句話
你知唔知點解我會發燒吖? 係日本嗰邊個同學發燒跟住惹到我呀!
但係聽返先知， 其中一個中招嘅喺ネズミシー嗰時已經中招喇， 仲喺度賴日本間小學校？ 真係估唔理佢哋嘅 mindset...
班人返咗香港， 總算多兩分和平啩？
2009/8/23（日曜日）
最後一日喺横浜， 自己地頭， 唔駛咁早出門口都得， 其實今日要做乜嘢我自己都好有疑問囉。 唔理咁多， 差唔多時間就慢慢走去， 真係地方唔同就寧舍舒服。 join 咗 C 君之後再等埋㗎巴士， anyway 十點幾， 開始曬， 呢班大帝一定頂唔順， 唔理咁多， 結果 Y150 原來冇安排到入場劵， 好多家長聽到要俾錢就唔諗住入， 咁我就想問你哋班友嚟做乜囉？
另外都要問吓自己嚟做乜， 理論上要介紹吓横浜， 其實都即管可以同你班人講吓黑船嘅， 不過其實一話散好多人都唔見咗， 都有少少人肯聽吓嘅， 不過都係好快就散， 結果就同 C 君同埋旅行社同事 M さん去咗大桟橋同埋山下公園一帶走走， 途中有三項鐵人比賽， 偶然見到有香港選手， 哈哈， 即管打吓氣啦。
結果其實都唔駛點做嘢嘅一個朝早， 都冇計， 唔係唔想做， 係冇得好做。 之後食完嘢差唔多時間， 坐車去お台場， 無無聊聊慢慢坐。
去到， 有兩個學生話唔舒服， 要返酒店， 咁兩個大人加埋四個人陪佢哋返酒店， お台場嘅話最好坐去新木場轉車， 但呢個時候就唔知點解走咗個識啲唔識啲嘅人出嚟， 係都話要去東京坐車， 同佢講幾次新木場近啲佢都唔聽， 跟本唔聽人講嘢， anyway 唔理條友帶嗰四個人去車站， 嗰條有係都要跟住嚟， 嗰四個人都唔想理佢㗎喇， 都仲係都要跟住去， OKOK， 由得你喇， 唔理得佢咁多。 真係好冇家教囉， 嗰個大人。 anyway 送埋佢哋走， 基本上要做嘅嘢都算係告一段落喇.... 呼...
之後又同 C 君同 M さん去行吓， 睇吓高達， 睇吓雜技等。 呢個團好再 M さん同埋 S さん有 support 我哋， 唔係真係唔知點死。 好多謝佢哋喇。
之後同 C 君食埋嘢， 返屋企同周公死過。 肉體上固然疲勞， 心理上嘅就更加嚴重....
2009/8/22（土曜日）
日の出南小学校で交流会
尋晚冇酒店住， 各自返屋企， 所以今日要晨咁早出門口， 好在横浜真係幾方便， 坐兩程車就去得到海浜幕張， 去到車站 join 咗 C 君之後去到酒店， 算係差唔多 ready 好， 不過都係見到佢哋嘈到隻鬼咁。 等睇戲。
今日去到浦安嘅一間小學， 演奏交流會， 前兩日對方嘅老師都嚟過傾啲細節嘢， 而香港呢邊就真係剩係識用“執生”嚟掩飾自己唔想做嘢嘅一面。 anyway 今日基本上兩個導遊都剩係識負責上車落車， 另外兩個旅行社嘅 staff 去咗其它地方（之前佢都俾間學校玩死喇， 放過佢哋俾佢哋去玩啦）， 結果自己同 C 君真係要主持大局咁濟， 明明最初話我哋幫吓手就得㗎？ 不過有時睇人幫手啦， 旅行社嗰邊對自己同 C 君都算係唔錯， 幫多少少手都唔駛死嘅。
一落車就真係踢哂腳， 好多 coordination 要做， 冇計， 可以溝通嘅真係唔多人， anyway 整咗好耐入到 hall 之後， 差唔多可以開始， 話時話， 自己幫手喺呢個 function 做傳譯， 其實某程度嚟講自己係做咗司儀咁濟囉。 真係企咗出去講嘛。 最大件事係有間 local 嘅電視台嚟採訪， 即係好大機會自己已經上咗電視， 唔， 其實都冇乜所謂嘅。
之後嘅 performance 時間上有啲延遲， 不過算係比自己預計嘅好喇。 日本呢邊嘅小學生樂器唔算係非常之專業， 不過見佢哋表演時除咗樂器之外， 笑容動作同埋一啲舞蹈等都令到個 overall 感覺好好。 而香港呢邊， 樂器方面真係做得幾好， 不過就真係冇厘生氣囉。
自己呢， 之前日本小學生要講嘅嘢其實都話咗俾我聽， 所以準備都唔係一個問題， 不過香港呢邊本來剩係諗住用英文講， 見到呢邊有中文有日本語， 臨時臨急要自己幫手譯， 真係撞佢個鬼。 玩嘢咩， 雖然以佢哋一向嘅做法， 都唔係估唔到... 仲要用埋啲扮深嘅英文， 好多字明明可以用好簡單嘅字嚟講， 偏偏就要用埋啲複雜字， 化繁為簡， 冇時間準備之下都係譯到幾多得幾多， 唔鬼理佢哋咁多喇。
之後兩邊做一個大合奏， 練習時做咗一輪嘢， 好多鎖事都唔記得咁多喇， anyway 之後開始時剩係見到觀眾席有好多人企咗喺度， 全部都係香港嗰班人拎住相機 video cam 喺度阻住個地球轉， 撞鬼， 即管試吓叫個肥佬 stop 佢哋
唔理得咁多， 就算講都冇用， 佢哋都唔會聽
其實都唔係唔贊成佢呢個 point， 不過你身為教師連試都唔試， 平時對住班小學生就聲大夾惡， 起碼去有禮貌講聲都好吖？ 跟團過嚟做乜呀？
anyway 完咗個合奏之後就有啲時間俾佢哋影相， 自己呢個時間都可以鬆少少， 其實香港間小學今日算係比我想像中小出醜㗎喇（雖然都唔少問題）， 總體嚟講都算係成功啦。 但點都係好明顯睇到， 日本小學嗰邊就真係尊重我同 C 君多過香港嗰邊囉。 學陶傑話齋， DNA 真係唔同㗎囉。
之後去到浅草， 食少少嘢之後其實就可以解散， 唔？ 咁快手？ 都好， 自己都自問盡咗力做好旅行社要求嘅嘢喇。 結果同旅行社個 staff 同埋 C 君飲少少嘢之後走人。 同 C 君去咗渋谷買羽毛球拍， 同埋傾吓羽毛球同埋今日嘅種種問題咁。 唔。 聽日仲有一日要對住班麻煩人...
2009/8/21（金曜日）
獻醜＠Disney Sea
冇瞓嘅情況之下去食早餐， 見到一大班細路， 已經有唔少負面嘅印象喇。 用 C 君嘅 comment 就係“生意気”， 好難唔同意喇。 學生都算， 連啲大人（教師同埋家長）都嘈喧巴閉， 實在另人失望之極。
今日會去 Disney Sea 表演， 食完早餐之後安排啲學生上車， 已經遲咗好多出車， 行動慢到鬼咁， 實遲到， 結果加加埋埋都真係遲咗唔少， 令到成個安排都趕頭趕尾。 安排班學生入“後台”， 好在 Disney 嗰邊有 staff 識講廣東話（應該係臨時請嘅）， 所以呢邊唔駛自己做 interpreter， 不過其實前前後後好多 staff 要 arrange 唔同嘢， 好似租樂器嗰邊等等。 所以我同 C 君都真係要跑前跑後， 麻鬼煩煩咁。
其實多嘢做都唔緊要， 最埋煩嘅係學校校長同埋啲老師喺度指頭指路， 唔 make sense 嘅 comment 唔該收聲當幫忙啦！ 嘥氣。 嚟到呢度跟 instruction 做咪得囉。 以為自己好醒咁， 有時間唔該睇實班學生先啦。 超麻煩。 搞咗一大輪先出到場， 都仲要係混混亂亂咁。 都算， 中途移動時個肥阿sir 見到其中一個應該有啲行動不便嘅清潔阿嬸， 竟然喺學生面前話“呢個就係 Disney 嘅灰姑娘喇”， 大佬， 呢個世界有啲嘢唔可以用嚟講笑㗎。
表演開始， 結果其實係一個角落表演， 觀眾除咗幾個路人甲乙丙之外， 就剩得啲學生嘅家長， 都唔知為乜。 不過對間學校嚟講已經可以吹到好大㗎喇。 我就覺得真係一啲大不了都冇囉。 之後完咗之後又一大輪混亂先至換到衫執到嘢， 同 C 君做到死咁濟， 控制唔到班學生， 更加控制唔到班完全冇 discipline 嘅教師同校長， 結果唔知遲咗幾多先可以放人。 冇咗班冇鬼用嘅老師嘅話個情況應該會 smooth 好多囉
當中其實出奇怪嘅係中途走咗一個謎一般嘅記者出嚟， 唔知為乜。 表演時已經係咁影， 奇怪， 呢個咁嘅 function 真係有乜好影呢？ 但總之就係阻頭阻勢， 俾啲 staff 叫我去叫停佢， 中國人嚟， 叫極都唔聽， 之後又要認親認戚咁， 都唔知發生乜嘢事， 搞到 Disney 嗰邊要 call security 先得。
唉， anyway 之後成班人拎咗 ticket 可以玩， 帶返佢哋去一個集合地點之後解散。 話時話全程都唔知兩個所謂導遊做過啲乜嘢嚟。 算唔理得佢哋咁多， 解散之後同 C 君同埋旅行社兩個同事（今次嘅依賴主）去食嘢， 跟住基本上坐底吹咗好耐水， 講吓今日嘅種種問題等， 剩係一個朝早都搞到咁， 都冇心機慢慢遊呢個 Disney Sea， 雖然之後都行咗一陣嘅， 不過張 free pass 就真係完全冇用過囉。 最無聊嘅係撞到冇鬼用嗰個肥阿 sir， 佢一見面就講咗句“喂悶死未呀？”， 有病㗎條友？
真係應哂自己尋日同 C 君傾嘅嘢， 點睇都係一場 show， 一場由“殉道小學”表演嘅一場真人出醜 show， 聽日冇意外嘅話應該可以睇到第二集...
2009/8/20（木曜日）
朝早照平時一樣咁返 ITC， 冇乜問題喇。 反正放緊暑假都唔會太多人。 都仲算悠悠閒閒喇。
之後差唔多要趕去幕張， 收檔時先唔知點解嚟壞機， 搞到遲咗出門口， 都唔緊要， 搭車去到有楽町先至嚟壞車， 整鬼， 平時好日都唔壞一次， 冇計唔理得咁多， 即刻行去東京站坐京葉線， 已經遲到， 所以諗住坐快速啦。 點知原來各駅同埋快速係唔同 platform， 結果遲大到， 比最先預期遲咗半個鐘。
跟住去到海浜幕張， 其實都係第一次嚟， 本來想會合咗今次一齊做 interpreter 嘅羽毛球友 C 君先， 不過會合個 staff 重要啲， 去咗酒店先， 入到門口就聽到一大班人， 冇錯， 冇打錯字， 係聽到一大班人， 好似街市咁， 望一望就知道呢班人係今次嘅 client 喇， 嘈到拆天咁， 有病㗎咩， 算， 當佢哋大鄉里出城興奮喇...
跟住會合咗個 staff 之後， brief 番少少嘢， 之後佢同另一個同事要趕去機場接個家長， 其實真係諗唔通， 咁大個人唔識自己嚟㗎咩？ 有事跟唔到大隊緊係自己負責㗎啦？ 算唔理咁多。
之後出返去會合 C 君， 去食嘢， 附近真係冇乜嘢好食， 求其搵間嘢食意粉， 食完就算。 因為聽日晨咁早， 所以今次旅行社幫自己留咗房， 返到酒店放低啲嘢， 跟住兩日後會有交流會嗰間日本小學嘅教師會嚟傾吓嗰日嘅安排， 結果就同埋香港小學呢邊嘅人傾吓嗰時嘅情況。 日本嘅小學其實之前都由我聯絡， 所以之前都喺電話傾過幾次， 今次第一次見， 同埋專程嚟到酒店， 都真係唔話得， 相反香港呢邊嘅小學， 三個人， 一個指揮， 一個校長同埋一個唔知係乜嘅肥佬， 除咗個指揮之外， 嗰兩個人感覺都好差， 唔， 唔理咁多， 照傾， 總之都算係傾好嗰日嘅安排， 不過過程真係唔係幾順利， 好在都算係叫埋 C 君一齊幫手先至 smooth 啲， 香港嗰邊真係好似唔知想點咁。 聽得最多嘅都係“執生”兩個字， 之前啲準備冇我幫佢哋做嘅話死緊（兩個導遊又係唔知點做嘢嘅）， 我同 C 君睇落呢個 tour 應該唔易做...
之後旅行社個 staff 返咗嚟， brief 吓少少細節安排， 應該冇大問題， 好好。 返房， 兩條友整呢整樣之後都兩點幾， 一瞓隨時起唔到身， 決定唔瞓（自殺行為）， 傾咗好多羽毛球友嘅人嘅八卦嘢， 冇諗過同佢可以傾咁多嘢囉。 哈哈。
2009/8/19（水曜日）
戦利品：
名探偵コナン ６５
IEEE GOLD 嘅活動同埋 meeting， 所謂嘅活動就係去台場睇 Gundam. 自己其實對 Gundam 真係冇乜興趣， anyway 難得大大件 Gundam 放喺度， 同埋 GOLD 嘅活動嘛。 去睇吓都好。
可能係最後幾日啩？ 好鬼多人， 潮風公園真係第一次嚟， 影相同埋影 video， 算係宣傳活動嘅一環喇。
之後去附近一間餐廳， 一路食一路傾嘢， 嚟緊都幾多嘢要傾， 唔， 不過有樣嘢比較在意嘅係， 再為 secretary 好似冇乜做 secretary 嘅嘢喇， 當然提案等等都有， 但係記錄完全係 chair 做哂囉。 唔...
之後唔知點解要我打電話去ネズミランド book 飛， 真係諗唔通， 香港好似有另一個人跟， 但係呢樣跟唔夠， 嗰樣又唔知點咁。 另外樂器嗰度都係要我跟， 講真嗰句幫係人情唔幫係道理， 見個 job 幾高人工俾少少 service 都 ok， 但係香港嗰邊做到咁真係諗唔通囉。
2009/8/18（火曜日）
返學校正正經經做嘢， 今日學校異常地多人喇， open campus 嘛， 好在自己唔駛做啲乜嘢。 叫做可以專心少少做嘢喇。 不過有趣嘅係 Madu 個老婆部電話呢兩個月突然俾 Softbank charge 好多錢， 詳細原因我都唔知， 不過都係 data usage 囉。 唔， 雖然總括嚟講都係冇計錯數， 不過 softbank 真係幾唔清唔楚囉。
聽日有 meeting， 之後又有 part time， 早啲瞓較返好個生理時鐘先得....
2009/8/17（月曜日）
好耐冇返到學校喇， 咗成個禮拜... 都係好攰， 其實真係唔知自己有冇過添。 anyway 返到學校本來想做少少嘢， 不過結果都係太攰， 加上睇返個後輩嘅 presentation， n 咁多樣嘢要執， 結果個 presentation 自己都係覺得麻麻哋， anyway 都好過之前好多嘅。
返屋企變死屍...
2009/8/16（日曜日）
羽毛球日。 今日唔算太多人嚟（不過都有兩個新識得嘅人）， 同 Y君同埋 C君同埋新識嘅 T君打打吓， 體育館裏面嘅其它人問有冇興趣混戰， 反正冇乜機會， 不如玩吓啦。 結果真係完全係扯住其它人後腳， 不過都算係好好嘅練習喇！自己真係有唔知幾多嘢需要改善....
食完嘢之後去咗渋谷嘅一間運動用品睇球拍等東東， 其中有幾個朋友換線買拍， 後來 A ちゃん嚟埋， 不過好似冇乜嘢睇中咁。
之後再飲少少嘢之後本來諗住散場返歸， 不過 A ちゃん話去食拉麵喎， 都好， 去到， 有中辣大辣同埋激辣， 諗住喺日本大辣都應該唔會辣得去邊啩？ 誰知入面一大班中國人， 而嗰碗大辣亦都真係名副其實。 最初真係入口都覺得難， 同埋後面開到恆部冷氣好似冇乜料到咁， 不過食食吓慣咗， 又幾好味喎？ 唔， 神か降りたかも…
2009/8/14（金曜日）
喺屋企悠悠閒閒咁ロロナのアトリエ， 都開始明白一啲 tricks， 唔， 不過始終ロロナ真係太かわいい喇...
話時話今日肥珠生日， 唔， 一応生日快樂喇！ 屋企最近又有少少無理厘頭嘢， さすがに日本に来て、帰れる場所がなくなることはちょっと悲しいよね。
2009/8/13（木曜日）
朝早繼續ロロナのアトリエ...
下晝同 A 君去横浜賣佢嘅 saxophone， 自己知道附近有間舖頭可以賣， anyway 等咗陣， 行吓書店， 吹吓水， 最後返返舖頭， 個 saxophone 先買得 15000 yen， 決定唔賣... 去 StarBuck 吹水， 不過其它人都提過， 佢啲英文有時真係唔係咁容易聽得到， 最大問題係真係太細聲喇， 冇計...
2009/8/11（火曜日）
尋日同 O 君佢哋搵完屋， 佢哋今日都決定租尋日睇過間屋喇， 正式去同不動産屋申請， 鬼咁多文件嘢要處理， 不過都預咗嘅。 。 chat for long time. thank you for thinking my English is good but I don't really think so...
搞掂哂啲嘢之後去 Starbuck 吹水， 講咗好耐， 由研究到女仔到周圍嘅人， 不過好愕然 O 君話我啲英文係留學生之中最易聽， 我呢啲完全 Chinglish 嘛， 都唔係好明佢點解咁講， 不過某程度都好感激佢咁講喇。
開始ロロナのアトリエ， game 嚟講普通啦。 不過故事好似幾得意， 同埋ロロナ真係好かわいい喇！
2009/8/10（月曜日）
戦利品：
ロロナのアトリエ
テイルズ オブ バーサス
同朋友 Oくん去 搵屋。 佢諗住住喺學校附近， 所以就去咗日吉嘅エイブル， anyway 首先去咗食 lunch， 成日都同 Madu 去嘅大戶屋， Oくん竟然唔知道佢嘅存在。 anyway 吹咗陣水之後會合埋個朋友 Aくん去地不動産屋， 講咗好多條件等， 跟住睇睇睇， 最後剩得兩間選擇（其它好多聽到係外國人就擰頭），
於是就即日去睇屋， 第一間， 老實講唔太想住， 第二間地點嚟講唔算非常之好， 不過其它各方面我都覺得幾好囉。 而且都冇乜其它選擇， 於是等 Oくん佢地慢慢諗喇。
之後去 Sofmap 買咗今日嘅戰利品， 話時話都有一段時間冇買 game 喇。 一隻 PS3 game 同埋一隻 PSP game， PSP 隻game 要用 5.55， 好似冇 custom firmware， 就咁玩唔到， 講真 load UMD 又嘈又慢先至用 custom firmware， 當然有好多人係為咗玩老翻啦， 但係 UMD 真係慢吖嘛....
夜晚同朋友 C 君講吓最近 O君嘅問題， 唔， 自己都冇乜嘢可以講話者可以做喇。
2009/8/8（土曜日）
羽毛球日。 由於仍然係暑假， 打無定所， 今次去西永福。 第二次嚟呢個站， 上一次嚟係 meet 朋友 Eさん傾人生大事， 都一段時間之前喇。 anyway 晨咁早準時去到， 但係其它人全部遲到... 過份呀！ 最早嚟嘅 Yくん， 跟住 Hくん， 会長， 同埋新新朋友三人陸續嚟到。
之後去ローホー食嘢， 新朋友幾得意， 用 Yくん嘅講法， 其中一個女仔比較上係 S， 而個男仔就比較 M 囉？ 哈哈。 意味不明... まあいいや。
之後去到好遠嘅橋本， 冇錢， 搵郵局， 結果好遠嘅 post office， 行成十分鐘先到， 早知喺附近㩒錢好過。 準備好， 去到 Madu 屋企開 home party， 仲有朋友 Sさん同埋 Oくん， 完全 enjoy 嘅一晚！ 由學術到人際到事業， 無所不談， 多謝 Madu 嘅招待喇！
2009/8/7（金曜日）
今日本來都可以返學， 不過冇返學 mood。 留喺屋企消化吓啲 email 同埋垃雜嘢。 尤其係之前接咗嘅 part time 有幾十 n 個 email 要清， 仲有嚟緊嘅 IEEE GOLD 嘅 function 都要準備， 唔， 都咪話唔少嘢。
另外最重要嘅， 當然係休息喇， 之前幾日其實都真係幾 exhausted 喇。
2009/8/6（木曜日）
返 ITC part time， 其實暑假邊度會有人嚟吖， 基本上都係做自己嘢過吓日晨。 幾得閒。
之後返去研究室行行企企， 睇吓前幾日影嘅相咁， 都真係幾悠閒， 就嚟開始放暑假嘛， 得閒啲都得嘅。
2009/8/5（水曜日）
合宿最後一日。 不過其實只不過係食早餐返屋企， 冇乜特別， 成個人只係想早啲休息。 影埋張團體相之後就坐巴士， 本來搭遲啲班車， 不過後來改早咗， 所以可以早啲返屋企喇。
同笹瀬先生同車。 不過分開坐。 不過尋日先講咗兩個鐘頭論文， 今日真係要“冷靜吓”喇。
返到屋企慢慢抖， 後來都懶得出街喇， 晚餐？ 求其有嘢擺入口就 OK 啦。
2009/8/4（火曜日）
研究室合 その二
朝早食完早餐之後就開始今次合宿嘅重頭戲－－富士急ハイランド！ 其實都冇乜點準備， 不過純粹見機行事， 之前都冇諗過嚟呢度究竟會玩乜嘢囉。
去到， 望到幾條過山車軌， 即刻有啲莫名奇妙嘅興奮， 話時話自己對上一次坐過山車係幾時呢？ 真係唔記得咗， 上年（？）去八景島嗰時如果 K さん肯嘅話就幾大都一齊坐嘛！ 不過冇計喇。 同研究室一班人一齊嚟到， 話時話今次都算係第一次一大班人嚟玩？ 唔太記得喇。 入場時諗住買團體票， 不過唔夠人頭， 結果臨時臨急搵“朋友”， 好在都算搵到。 いざ、出陣！
首先去坐FUJIYAMA， 排咗成個幾鐘頭先有得玩， 呢㗎 FUJIYAMA 好似全程三分幾鐘？ 不過真係唔覺囉。 升到去七十幾米， 跟住垂直直跌七十米， 感覺真係冇得彈， 玩呢啲嘢， 以大過地深加速度嘅狀態直落， 點都有啲驚同埋唔舒服， 不過興奮大過一切喇！ 搞笑係平時叫比較靜嘅台灣朋友， 唔知點解叫得好妻涼囉。 好似劏豬咁聲。 哈哈。 笑到真係停唔到。 話時話呢個 FUJIYAMA 好似後面有條 “chicken way”俾你臨陣退縮， 但都係後來先知....
之後坐ドドンパ， 又係排咗唔知幾耐先有得坐， 多人到飛起， 之前玩完 FUJIYAMA， 餘韻（腳軟？）都仲未完， 上車， 倒數時“Three... two... one... ”， ...等咗好耐， 都仲未捨得開車， 有啲似自己平時影相玩嘢嗰種感覺。 哈哈。 跟住突然加速， 呢種加速感真係第一次感受到囉。 好得！ 不過就係除咗呢吓， 其它， 真係冇乜特別。
食飯之後兵分幾路， 各自去坐想坐嘅嘢， 結果同 Madu 同埋 K くん一齊， 嚟呢度嘅重頭戲就當然係ええじゃないか啦， 真係人都顛， 完全唔合常理嘅過山車， 首先完全冇腳踏實地嘅感覺， 對腳真係名副其實“條條 fing”， 跟住真係天旋地轉， 完全唔知自己個頭喺上面定係對腳喺上面， 轉幾轉已經冇咗上下方向感囉。 加上鬼咁快， 同埋自己單丁咗出嚟， 真係冇嘢好講， 絕！ 搞笑嘅係 Madu 差唔多全程都冇望到， 完全咪埋眼囉！ おいおい
三大過山車算係征服咗， 之後影吓相， 本來有啲想去溫泉， 不過同 Madu 見到 FUJIYAMA 唔駛排太耐隊， 玩多次， 可能玩完ええじゃないか啩？ 唔覺得有啲乜嘢， 同埋升上去嘅時候望到嘅富士山真係一絕， 最衰唔可以帶上機上車影相...
係咁易玩多咗陣， 呢一日真係完全 exhausted 囉。 不過真係幾得， 三千幾円玩到咁嘅樣真係乜都返哂嚟。
返到旅館， 晚飯， 日式 BBQ， 點都要講明係日式， 因為實在同港式嘅有太大分別， anyway 總之就係肉肉肉， 係咁食！ 中途笹瀬先生拎咗支 wine 出嚟， 喺附近買嘅， 飲咗少少， 好鬼甜！ 好易入口， 不過酒精好似都幾勁， 笹瀬先生話齋， “危險”， 用嚟灌醉女仔可能會幾有用喎。
食完嘢， 同 Madu 同台灣同學仔去溫泉， 俾預期中遠， 不過都算係幾舒服嘅一個地方喇。 靜靜哋嘅露天溫泉感覺的確幾好嘅。 可惜唔可以留得太耐囉。
夜晚嘅 Iwao Date， 成兩個鐘頭同笹瀬先生傾份 paper， 預咗俾佢插， 不過真係刀刀應， 的確有好多地方可以改善喇， 自己真係好似好耐冇寫過 paper 咁， 好多地方都可以改善， 唔， 努力努力。
Iwao Date 嘅同時， 樓下喺度合コン， 自己同笹瀬先生傾完之後都走咗去參加吓， 咁啱一班早稲田嘅国際教養学部嘅人嚟咗同一間旅館（話時話自己識人以前喺嗰度讀）， 唔知邊個發起喇， anyway 走去吹吓水。 哈哈。 問其中一個女仔估自己幾多歲， 答案：25！ 完美嘅答案喇！ 冇得彈！
不過今次研究室嘅 M 君真係唔知發乜嘢神經， 搞亂哂啲氣氛， 好多人都好似好唔滿意咁囉。 唔， 真係唔明佢諗乜。 之後瞓唔着， 拎部電話走出去打機時， 見到佢一個人喺樓梯口唔瞓， 同佢吹咗陣水。 唔， 雖然唔係本意不過都想知佢諗乜嘢。 結果就傾咗好耐， 結論嘛， 人人唔知佢諗乜， 佢亦都唔知其它人諗乜囉。
2009/8/3（月曜日）
研究室合 その一
研究室合宿， 朝早執好嘢， 出門口， 唔知點解早唔嚟遲唔嚟， 架單車無端端甩鏈， 真係唔知撞乜嘢鬼囉。 嘗試整佢， 不過整得嚟， 行去仲快， 結果就咁行咗去。
話時話住咗横浜咁耐， 真係冇幾可搭市営地下鉄， 有冇搭過都成問題囉。 anyway 去到市ヶ尾， 冇幾耐就同 Madu 會合， 食啲嘢， 見到研究室嘅 M 君， 同佢同車， 不過好似冇其它人同車咁， 唔緊要喇， 去到河口湖駅， 原來其它人基本上都到咗， 跟住一齊坐車去到合宿嘅旅館， 唔， 望落都不過不失啦， 始終之前兩年間旅館真係幾唔錯， 搞到個分別出咗嚟囉。
之後開始 presentation 嘅練習， 自己一路聽就一路唔明， 啲英文真係有時唔知寫乜。 唔， 笹瀬先生都叫我哋幫手睇吓佢哋啲 presentation 喇。 都冇乜所謂嘅。 夜晚同佢睇返個 presentation 先發現 2nd authour 巴斯光年只係幫佢哋對吓啲英文咁， 其它 idea 等等都好求其。 同埋 accept 咗嘅 paper 都有好多嘢可以改囉。 嘩... 離哂譜囉， 咁就落咗自己個名落去....
講返轉頭， 練習之後同笹瀬先生傾咗陣計， 之後去咗散步， 悠悠閒閒咁。 夜晚基本上開 party， 都係吹水時間， 自己始終都係滴酒不沾嘛（うそ）。
check presentation 嗰陣時， 都唔明點解其它人點解可以瞓得着囉。 哈哈。 冇所謂喇， 早啲瞓聽日去玩～～！
2009/8/2（日曜日）
羽毛球日， 今日又去到荻窪嘅體育館， 去到車站先後 meet 咗幾個 members， 一齊走去體育館， 呢幾個 member 入面得我一個去過間體育館， 雖然唔算係太難去， 不過就當係帶吓路都好喇。
四個鐘頭， 雖然未至於連續咁打， 不過都真係幾 non stop， 尤其係對住 Y くん同埋 C くん， 真係點打都打唔掂...
之後又去ガスト， 吹水， 但係同 C くん傾開一個幾大嘅問題， 唔， 唔方便寫得太詳細喇， 不過真係有啲異常， 所以夜晚都傾咗一陣， 發生過嘅事， 好似比起想像中嚴重咁囉。 唔， 衰啲講句其實唔太關自己事， 不過睇住個朋友出事點都會擔心喇...
2009/8/1（土曜日）
本來都仲驚落雨唔知嚟唔嚟到， 結果竟然冇落雨， 屋企附近嘅花火大会－－「神奈川新聞花火大会」， 搬咗嚟三年都未去睇過， 今年有朋友叫去睇嘛， 咪一齊去囉。 不過策略上其實有啲失敗都唔定。 應該由我呢個地膽一早去霸位先， 結果今日首先由朋友去咗霸位， 霸邊度唔知， 冇計...
Anyway 會合朋友「王様」， 真係幾難搵， 搵咗好耐先搵到囉。 如果有 google latitute 就唔駛咁煩啦。 是但喇， 不過結果其實咁早去都冇用， 之後先後會合 Madu 同埋王様個朋友， 最對唔住就係王様個朋友， 要佢一個人係咁等囉。 哈哈。 sorry sorry。
去到公園， 轉咗幾十個灣都總算搵到個朋友， 唔差咁囉個位置， 望到山下公園一帶， 跟住吹咗陣水， 王様個朋友今次第一次見嘛。 好似幾得意嘅一個人， 佢另一個朋友都幾特別， 第一次見都總算幾好傾。
七點幾開始花火大会， 奇怪， 有聲冇影... 原來放嘅位置俾棵樹遮鬼住咗！ガーーーン， 即刻搵個好啲嘅位置， 不過周圍鬼咁多人， 都唔知搵邊個位好， 死火， 死火， anyway 最後搵個位， 比起原先高少少， 不過都係遮住， 都冇辦法喇， 好過乜都睇唔到喇。 唔。 好在有啲花火都放得比較高， 所以有時都睇到嘅。
之後行返去横浜駅嗰邊， 搵地方食嘢， 不過又係周圍都多人， 結果去咗平時去開間泰國料理， 除咗自己成日去之外佢哋都係第一次去， 還好都算係滿意喇。
唔錯嘅一日。 多謝王様嘅招待！