2009/9/30（水曜日）
超眼瞓， 仲要落雨濕濕， 索性逃學。 完全留喺屋企， check 埋份 paper， 慢慢休息... 不過係咁瞓個心理時鐘真係唔壞都有鬼...
話時話夜晚 order 嗰個はんめし， 啲 sauce 係就係幾好味， 不過啲肉肥到鬼咁... 真係好辛苦先哂啲肉...
2009/9/29（火曜日）
返學日， 新學期嘅第一個研究室 meeting， 唔， 想做自己嘢都做唔到太多， 完全唔聽又唔係， 不過班友 present 到咁嘅樣又真係聽完都唔明， 結果三個鐘自己都唔知自己做過啲乜嘢嚟...
唔， 唔通 PhD 最後一年就係咁樣繼續浪費時間？ 自己都唔想咁喇...
2009/9/28（月曜日）
話就話上個禮拜開學， 不過正式嚟講應該係今日開學喇。 今日返去做番啲雜務， 不過跟住就有個 PR video 攝影要做， 唔， 真係唔知準備啲乜嘢做 demo 好， 結果就拎咗個好耐以前嘅 simulation 嚟做 demo， 跟住係咁易講咗幾句， 跟住都係睇人影， 唔， 始終唔慣呢啲嘢， 雖然只不過係擺上 youtube， 不過真係有啲緊張㗎嘛。
之後又到麻煩嘅 GCOE lecture， 今日仲要係 duty RA， 麻鬼煩煩... 不過都好， 今日做完呢件麻煩嘢， 之後唔駛做， 剩係帶個人去就得， 腦留去外太空都冇人理， 呢啲咁嘅 lecture 真係除咗勞民傷財之外都諗唔到幾多個形容詞... 陰謀論去諗嘅話， 其實係唔係啲教授自己搵識嘅人嚟講 lecture， 私相授授... 不過冇證據都話唔埋喇...
2009/9/26（土曜日）
超失敗， 瞓過龍平時都有個限度， 最多都係要趕頭趕命， 今次起身時已經過咗 part time 開始時間， 呀， 冇計， 唯有告假， 跟住直頭去咗打波， 都好， 今日又開始多人喇， 平時都冇咁多㗎嘛。 熱熱鬧鬧都唔錯喇。
呀， 今日 Madu 生日.. 恭喜恭喜！
2009/9/25（金曜日）
大昏迷， 真係學都冇返到， 下晝起身時都廢時返去， 結果就留喺屋企做啲雜務同埋打吓機咁， 真係幾廢人 play...
話時話今日開始咗新學期， 唔， 最後一年嘅學生生活都唔定喇。 即管玩埋佢...
2009/9/23（水曜日）
成日留喺屋企 TOV， 今日終於都完咗隻 game 喇。 不過完都只係完咗個故事， 其它嘢都未完。 話時話今次嘅 last boss 好似係最理性嘅一個咁... 不過ザギ就真係完全厭惡嘅一個麻煩友喇， 由開始到最尾都死啄唔放...
係時候繼續玩埋啲サブイベント...
2009/9/22（火曜日）
朝早一路咁打機， 都差唔多尾聲喇啩？ 唔， 應該仲要少少時間都唔定。
下晝約咗個新朋友去横浜駅附近飲嘢， 哈哈。 感覺上自己好似一路咁講， 係咁講講講， 唔停口...
返屋企， 繼續 TOV...
2009/9/21（月曜日）
繼續完全嘅廢人 play， 真係唔知點解自己可以頂得順連續咁長時間打機， 咁樣打法隨時命都短幾年嘛。 唔， 應該死唔去嘅？
故事都開始清楚喇， 雖然都有好多謎團未解， 唔...
夜晚約咗 Madu 佢哋去開国博， 今個禮拜最後喇。 俾錢入場嘅地方始終都冇入過， 今日一行四個人去， 結果呢？ 入就入咗去， 不過好多嘢都要排好耐隊， 結果入去行咗個圈好快就出返嚟囉。 真係... 可能人選出咗問題喇， 有好多嘢唔明日本語睇都唔明佢講乜嘛。
anyway 定番嘅 MM21 コース， 呢個一定冇走雞， 不過又估唔到原來 Madu 佢哋冇去過大桟橋， 有少少意外， 不過有時又真係唔講唔知咁多嘅， anyway 慢慢行咗陣就走咗去コスモワールド嗰邊。
可能之前去富士Ｑ玩上癮啦？ 今次又走咗去玩過山車， 不過 level 真係冇得比， 好似細路仔玩泥沙咁... 唔緊要， 跟住 Madu 太無端端話影貼紙相， 其實真係唔太知點好， 算， 照影啦？ 不過真係唔啱自己 character 囉？
之後去咗 World Porter 間自助餐食飯， 當時都差唔多收檔喇， 所以都冇乜嘢食， 但係醫肚嚟講都可以啦， 又唔係太貴嘛。
2009/9/20（日曜日）
一整日喺度 TOV， 故事亦都冇令到自己失望。 不過問題係咁樣一日係咁打機， 而且時間亂哂龍， 之後究竟要幾多時間先可以回復正常嘅生活節奏呢？
不過真係冇計， 隻 game 實在太吸引， 有時又真係好難放心㗎嘛...
2009/9/19（土曜日）
羽毛球日。 今日又有 new member 以前都有打過， 不過好似生疏咗咁囉。 不過用左手打波， 都幾特別， 但係再問番， 原來佢同自己差唔多相反囉。 用左手打波， 但係用右手寫字食飯。 某程度嚟講係自己嘅 mirror version 都唔定？ 之後又去咗渋谷間羽毛球舖， 成日都去搞搞震冇幫襯....
返屋企繼續 TOV....
2009/9/18（金曜日）
成日留喺屋企玩 TOV， 完全冇做其它嘢， 不過 PS3 果然係唔同啲， 好多 details 都做得好好囉。 最有趣係睇到編新聞話 PS3 版首日発売数係當時 XBOX 版嘅兩倍囉... 明明係番出嘅作品（雖然有新 element...）。 作為一個 PS3 user 嚟講真係幾開心喇（定係因為 XBOX 冇咁 sell 得而開心呢？）
2009/9/17（木曜日）
戦利品
テイルズオブヴェスペリア
朝早未駛咁早返學校住， 即刻去 Sofmap 買咗今日嘅戰利品先。 其實都真係等咗好耐喇。 之前一隻 Tales of 已經係 ToA， 即係都兩三年前？
下晝開始 KAIST Workshop， 成六個鐘， 真係幾鬼悶， 啲 presentation 自己冇一個明， 最大嘅 surprise 都係笹瀬先生 present 嗰陣出 BSOD 囉。 之後懇親会都還可以嘅， 不過都係例牌嘢， 冇乜特別。
之後研究室 K くん嘅 farewell party， 都係吹水嘢多， 都唔明點解班人唔飲得但係又要飲咁鬼多酒... 算啦。 酒呢家嘢一向都唔係自己 major 喇。
2009/9/16（水曜日）
繼續玩 Tales of VS. Work。 anyway 份 paper 今日都總算 upload 咗。 跟住要開始做聽日 workshop 啲麻煩嘢。 但其實都係用以前啲嘢 copy and paste， 自己都覺得幾過份， 不過十分鐘 presentation 其實都唔駛理咁多喇。
2009/9/15（火曜日）
冇特別事要返學校， 留喺屋企， 本來都諗住做啲 paper 嘢， 不過總之未到 deadline 嘅話喺屋企好少可可以期待有乜嘢 output 㗎喇。 咁成日做咗乜嘢？ 喺屋企不斷咁玩 Tales of VS 囉... 完全做咗一個廢人...
2009/9/13（日曜日）
尋日個 Marker place 賣家嘅無厘頭“恐嚇信”， 真係要同佢死過先得。 佢又好好心機水蛇春咁長咁寫 email 過嚟喎， 基本上佢個 point 係話 customer 唔俾評語就係“一粒星嘅壞顧客”， 都好大問題囉。 講嘢有冇經大腦㗎？
Anyway 下晝去咗横浜駅附近 Meet Eさん. 去咗 Tokyu Hands 上面間 Cafe 吹水， 都 OK 啦。
夜晚繼續同個賣家爭論... 老實講搞到咁真係第一次， 咁鬼好戰同埋唔合理嘅日本人平時真係唔常見喇...
2009/9/12（土曜日）
抖足成晚， 今日又到羽毛球日， 其實都開始認真諗吓可以點樣 training， 羽毛球玩嘅時候都幾過癮，但係認真打嘅話又盎另一番樂趣嘛。 之前買咗新拍， 不過裝備幾好， 個人發揮唔到嘅話都係嘥氣。 朋友 C 君都算係幾好喇。 佢或者都想多個可以打得吓嘅對手啦， 所以都不斷教自己唔少嘢， 俾人睇得起， 感覺永遠都唔錯嘛。
之前喺 Amazaon 買咗嘅 CD， 前幾日收到諗住都冇乜特別， 點知今日嚟咗個 email， 內容大概係要自己一個禮拜之內喺 Amazon 俾評價個賣家， 如果唔係個賣家就會喺我買家 account 裏面加個一粒星嘅壞買家評價...
吓？
擺明要脅啫？ 我喺 Amazon 買咗咁多次嘢都係第一次見到有人咁鬼野蠻囉。 件 product 事實上平安送到， 狀態亦都冇問題， 但係 send 個咁嘅 email 過嚟算係乜嘢意思先？ 真係頂唔順呢個人， 結果 amazon 評價俾三粒星佢， 算係仁至義盡...
2009/9/11（金曜日）
戦利品
カラコイ〜だから少女は恋をする〜
Gift show 嘅最後一日。 今日睇嚟都冇乜特別嘢可以期待。 冇辦法啦， 睇嚟個市真係好差。 自己想盡力幫個 booth 傾多幾單生意， 不過有心無力喇。 跟本啲人就唔過嚟， 過到嚟都係係咁易望， 而且包圍住自己嘅一堆大陸檔鬼咁早就開始賣辦（年年都係咁㗎喇）， 根本就唔似一個展示会， 俾佢哋搞到個場變咗跳蚤市場囉。 人係多咗好多， 不過都係一堆想執平貨嘅人， 傾生意？ 搵隻鬼嚟個 chance 都可能仲大。
今年真係自己都覺得好失望。 今日都總算有幾個人問過吓， 都唔係完全冇收獲嘅。 但係同上兩年比較嘅話就真係冇嘢好講。 唔。 之後早早返屋企， 早啲休息好過喇。
2009/9/10（木曜日）
Gift show 第三日。 老實講係朝頭早有幾個客睇吓， 其它時間都係同隔離吹吓水， 冇乜特別。 雖然唔關自己事（啩？）， 生意唔好自己都覺得唔係咁好。 尤其呢個 booth 第三年搵自己幫手， 總想做好啲俾佢㗎嘛。
Anyway 放工之後坐接駁巴去東京駅， 企位， 其實都冇乜所謂， 企咗成日都唔爭在嗰一陣。 不過中途強烈嘅白花油味， 有個阿嬸喺㗎巴士入面係咁卒腳， 唔好玩啦！ 㗎巴士鬼咁多人㗎！ 跟住真係要叫停呢個阿嬸， 當然， 係用廣東話啦！ 成車人都冇幾個人識嘛。 睇嚟呢個阿嬸都冇諗到有人用廣東話話佢， 結果就靜雞雞收埋支白花油， 腳就照卒。 當然冇任何道歉啦！ 換咗係日本人， 如果俾人咁話就一定會道歉囉，
話時話， ICC 嘅 deadline extend 咗， 而且兩個禮拜有多， 睇嚟個 submission 真係唔算太多， anyway 完咗個 gift show 先慢慢寫埋份 paper 都未遲。
2009/9/9（水曜日）
第二日嘅 gift show， 遲到， 撞鬼， 好在唔係遲好多， 都冇乜問題啩？ anyway 第二日多咗少少人問嘢， 都算係咁啦。 希望聽日同後日會再好啲。 老實講， 冇客嚟嘅話自己都好鬼悶㗎嘛！
夜晚約咗舊同事 A さん去渋谷食飯， 去咗 109 附近嘅鍋選人， 朋友第一個 comment 就係“香港都有類似嘅一人一鍋”， 哈哈。 咁都冇計啦。 我都冇諗到咁詳盡。 anyway 上次嚟係同吉川先生一齊嚟， 今次再嚟同朋友嚟， 主要都係吹水， 都幾勁， 由個人講到政治， 真係都幾多嘢講， 坐吓坐吓就三個鐘， 下次唔知喺東京定香港見喇！
2009/9/8（火曜日）
Gift show， 今年第三次去幫手， 都係之前做 voice card 嗰位老細， 夾開嘛， 真係會清楚好多。 好似上次咁， 失驚無神整個皮草人真係唔知點應付， 永遠都係做生不如做熟嘛。
早咗去到會場， 報到， 冇乜問題， 跟住都係等開工。 第一日， 其實感覺上比較靜， 留卡片嘅人又唔算多。 有啲擔心生意點㗎... 雖然就算唔好生意對自己都冇影響， 不過都真係想盡力做好啲嘅。 唔... 有時都唔到自己控制都唔定...
2009/9/7（月曜日）
戦利品：
ロロナのアトリエ 〜アーランドの錬金術士〜 オリジナルサウンドトラック
返學校做嘢， 本來想搞埋 ICC 嘅原稿， 不過都係懶懶閒閒咁， 真係... 早啲完早啲放低件事嘛， 自己就係永遠都做唔好呢件事...
2009/9/6（日曜日）
連續羽毛球日。 不過今次轉移陣地去到荻窪体育館， 遠就遠少少， 不過去嗰度打嘅人都係比較認真打㗎囉。 有時睇吓人點打對自己都有益處㗎嘛。
不過準時到嘅得 S 君一個人， 其它人全部遲到， 都預咗， 其實連戰， 今日自己都幾攰囉， 隻手都仲有少少痛， 可能真係有啲勉強都唔定。 不過... 尋日買咗新拍嘛！ 咁緊係要試吓佢有幾有威力㗎啦！ 結果力就有， 不過重心等等感覺都好唔同， 可能要啲時間適應先得喇。
夜晚懶得自己整嘢食， 加上兩日前笹瀬先生話自己似お茶漬け， 今日就決定去食。 西口嗰邊有間都幾好食， 開咗其實都唔係好耐， 不過始終唔太夠食囉， 唔， 唔夠食可能就係笹瀬先生對自己寫嘅論文嘅感覺都唔定...?
2009/9/5（土曜日）
羽毛球日， 話時話好耐都冇去到駒場嘅體育館喇。 今日又唔係太多人， 兩個場都冇人用， 打橫瞓都仲得。 不過自己個 group 又唔算係好多人嚟， 啲 resource allocation 真係麻麻哋咁。
之後亦都係好耐冇去過嘅イタトマ， 其實咁樣過一個 weekend 真係幾唔錯， 一班人吹吓水食吓嘢， 呢班人有識咗四年嘅人亦都有識咗幾個月嘅人， 不過基本上都係冇乜嘢唔可以講㗎喇。
食完嘢， 受唔住 C 君嘅引誘， 去咗渋谷買新羽毛球拍， 自己用開嗰塊其實冇乜唔滿意， 不過就係唔夠 powerful 咁。 今日用咗一用 C 君塊新拍， 自己都真係忍唔住... 哈哈。 上次自己引 C 君買， 今次完全俾佢反擊囉。 不過牛唔飲水點㩒得牛頭低， 自己想買先得嘅。 雖然塊拍加加埋埋要差唔多 18000 円， 不過可以有排用嘛， 都好嘅。
買完拍去同會長同埋 K ちゃん去食泰國嘢， 之前都去過一次嗰間舖頭， 今次再去， 唔... 上次好似好鬼勁煙味， 今次冇咗， 感激。 點解上次可以咁鬼臭㗎呢？
2009/9/5（土曜日）
羽毛球日， 話時話好耐都冇去到駒場嘅體育館喇。 今日又唔係太多人， 兩個場都冇人用， 打橫瞓都仲得。 不過自己個 group 又唔算係好多人嚟， 啲 resource allocation 真係麻麻哋咁。
之後亦都係好耐冇去過嘅イタトマ， 其實咁樣過一個 weekend 真係幾唔錯， 一班人吹吓水食吓嘢， 呢班人有識咗四年嘅人亦都有識咗幾個月嘅人， 不過基本上都係冇乜嘢唔可以講㗎喇。
食完嘢， 受唔住 C 君嘅引誘， 去咗渋谷買新羽毛球拍， 自己用開嗰塊其實冇乜唔滿意， 不過就係唔夠 powerful 咁。 今日用咗一用 C 君塊新拍， 自己都真係忍唔住... 哈哈。 上次自己引 C 君買， 今次完全俾佢反擊囉。 不過牛唔飲水點㩒得牛頭低， 自己想買先得嘅。 雖然塊拍加加埋埋要差唔多 18000 円， 不過可以有排用嘛， 都好嘅。
買完拍去同會長同埋 K ちゃん去食泰國嘢， 之前都去過一次嗰間舖頭， 今次再去， 唔... 上次好似好鬼勁煙味， 今次冇咗， 感激。 點解上次可以咁鬼臭㗎呢？
2009/9/4（金曜日）
返學校改埋少少手尾， 其實都冇太多時間慢慢做 grammar check， 都係睇咗一兩次就交俾笹瀬先生， 跟住大部份時間都係等， 本來唔駛等咁耐， 點知突然間有個客人搵笹瀬先生， 咁都冇計。 一路喺研究室吹水， 主要嘅話題都係 GCOE 點樣浪費金錢等等， 其實呢啲話題唔可以俾笹瀬先生聽到㗎囉...
之後再同先生對文， 唔唔唔， 整體都算過到骨， 不過都仲有好多嘢要改， 都冇辦法， 點解佢成日都可以搵到咁多嘢改㗎呢？ 真係諗極都諗唔明。 不過又唔係冇道理， 所以都唔到自己唔服。笹瀬先生對自己嘅 comment
アレックス君ってお茶漬けだよね（さっぱりしすぎるから）
... お茶漬け？ 唔， 唔理咁多， 返屋企抖吓先算喇。
2009/9/3（木曜日）
和平嘅一日， 喺 ITC 不斷咁改論文啲嘢， 都七七八八喇啩？ 不過真係 part time 時間係咁做自己嘢有時都覺得唔好意思， 唔， 總之有嘢做時就做好佢， 咁都唔算好過份啫？
夜晚返到屋企時差唔多死得...
2009/9/2（水曜日）
今日又去陪 S くん同佢太太去睇醫生， 今次只係兩個檢查， 唔算用太多時間， 不過都係要晨咁早出門口囉。 早出門口其實唔係太大問題， 最大問題係㗎火車鬼死咁逼囉。 唔， 其實都好過留喺屋企唔知做乜嘅。
Anyway 之後返學校， 做埋啲 GCOE workshop 嘅無謂嘢， 真係麻鬼煩， 不過煩正都要 revise 編論文， 順手做咁囉。 唔， 不過都真係服得自己幾交關， 平時真係懶到鬼咁， 只要同 deadline 扯上關係嘅話真係爆發力幾鬼勁㗎啫。 唔好問我點解。
不過搞掂 workshop， 都仲未搞掂份 ICC 同埋論文誌... 快手啲先得喇。
2009/9/1（火曜日）
八月就咁又冇咗喇， 今日返學校做返啲嘢， 其實真係唔少雜務， 嚟緊又有個 workshop 要做， 真係想求求其其做鬼咗佢就算。 但係唔知點解笹瀬先生又好似好緊張咁喎。 唔， GCOE 嘅嘢， 太認真做通常都冇乜好結果， 算喇， 盡人事啦， 自己都仲有其它嘢要做...