2009/9/6（日曜日）
連續羽毛球日。 不過今次轉移陣地去到荻窪体育館， 遠就遠少少， 不過去嗰度打嘅人都係比較認真打㗎囉。 有時睇吓人點打對自己都有益處㗎嘛。
不過準時到嘅得 S 君一個人， 其它人全部遲到， 都預咗， 其實連戰， 今日自己都幾攰囉， 隻手都仲有少少痛， 可能真係有啲勉強都唔定。 不過... 尋日買咗新拍嘛！ 咁緊係要試吓佢有幾有威力㗎啦！ 結果力就有， 不過重心等等感覺都好唔同， 可能要啲時間適應先得喇。
夜晚懶得自己整嘢食， 加上兩日前笹瀬先生話自己似お茶漬け， 今日就決定去食。 西口嗰邊有間都幾好食， 開咗其實都唔係好耐， 不過始終唔太夠食囉， 唔， 唔夠食可能就係笹瀬先生對自己寫嘅論文嘅感覺都唔定...?