2009/11/30（月曜日）
Ｍちゃんお誕生日おめでとう
日抖大概都係做返少少 research 嘢。 跟住又有 lecture， 真係唔知上呢個 lecture 為乜。 有趣嘅兩件事係， 第一差啲入錯咗課室。 而家分開咗兩個 classroom， 一邊上著作権， 另一邊繼續搵啲無厘頭 speaker 嚟上堂（兩邊其實都係無鬼聊聊喇）， 著作権嗰個咁嘅 lecturer 真係完全呃飯食。 而呢邊嗰個都唔好得好邊， 上年嚟講過同一個 topic， 仲要用日本語， 雖然自己聽得明， 好多留学生都真係唔知發生乜事囉。 諗返起之前嘅 email， 真係唔火滾都有鬼。
另一件事係 GCOE leader 嘅 O 先生走嚟講關於上個禮拜 cut budget 嘅提案。 睇佢個表情真係好似想喊咁。 老實講， budget cut 對學生唔會係一件好事， 不過 cut budget 而認認真真做一啲唔無聊嘅事嘅話反而會係一件好事囉。 呢個 GCOE 終於都知死？
不過今日唔理咁多， Ｍちゃん生日， 唔鬼理 GCOE 啲垃圾嘢咁多。 完咗 lecture 之後趕去渋谷， 擺低套 suit 之後若無其事走番去車站會合Ｍちゃん佢哋， 今日點都要俾個 surprise Ｍちゃん喇。
去到坐底， 一路食嘢一路吹水， 其它人都陸續嚟到， 話時話， 間舖頭冇其它人， 有少少包場嘅感覺。 食完大部份嘢， 係時候出第一招... 蛋糕！ 生日嘛， 點可以冇蛋糕先得㗎！ anyway 應該算係意料之內...
喺食蛋糕嘅時候自己走咗出去換衫， 換完， 入到去， 拎起預先準備咗嘅花， 送俾 Ｍちゃん... 呢個先係今晚嘅重頭戲喇， 不過就咁寫又真係形容唔到當時嘅氣氛... まあいいや， 不過講返轉頭， 其實自己都未試過咁樣送花俾人喇， 不其然自己都覺得有啲唔知點咁， 哈哈， 當係 training 都好喇？ anyway 最緊要都係 Ｍちゃん開心喇！ 作戰總算成功？ 嘻嘻！ 恭喜恭喜喇！
題外話， 另一個 Ｍちゃん今日拎咗部 E-620 嚟， 自己一路都想買呢部機... 唔， 感覺上有啲俾人喺緣崖邊推咗落去嘅感覺， 一發不可收拾...
2009/11/29（日曜日）
連續兩日不斷咁 social， 今日死人都要抖一抖喇。 不過好可惜， 因為屋企冇嘢食， 下晝點都要出一出街買糧草。 死死地氣都要走出去。
横掂都係， 順手行吓街， 真係唔知點解硬係俾間相機舖吸咗去， 部 E-410 double lenses kit 真係好鬼想買， 最初 ignore 咗間舖頭， 走咗去第二度， 跟住唔知點解又行返上去， 真係想叫個店員俾自己睇部機， 點知唔得閒， 等咗陣都係離開咗呢個危險地帶， 始終雖然係平， 不過買得 E-410 嘅話不如買 E-520， 但係 Amazon 又啱啱冇貨... 仲有 E-620 可以揀， 不過又貴多兩萬円... 唔...
唔理唔理， 太多誘惑喇。 快快手手走返屋企先算！
2009/11/28（土曜日）
第二回 大学生・若手技術者のためのキャリアアップワークショップ
第二次嘅 Workshop， 其實自己唔係出得太多力， 主要都係作為一個參加者， 同埋事後嘅 report 等等。 anyway 去到附近，仲有啲時間， 於是去咗附近嘅ファミレス食嘢， 本來都好地地， 食完埋單時， 先至發現原來個收銀喺吸煙區嗰邊， 痴鬼線㗎！ 好唔想人俾錢咩家下？ 俾錢俾得咁唔舒服都真係幾少有。
去到會場， 真係估唔到個 building 原來係間大學， anyway 入到去， 見到一班熟口熟嘅人， 都總算知道自己冇嚟錯地方。 幫有 reception， 之後好快就開始個 workshop。
自己提議咗嘅「留学生の日本での就職について」， 自自然然就入咗呢個 group 傾。 不過其實問我嘅話我會想去「博士の就職について」多啲囉。 唔， 不過鬼叫呢邊少人， 唔幫手唔得。 結果四個人一齊傾， 主要都係講就職活動嘅嘢， 都有少少新發現， 算係不過不失啦。
之後懇親会， 又懇親会， 尋日先至 wine party， 今日又嚟， 都好嘅， 始終平時都係喺 lab 做 research 嘢， 唔係太多機會同人 social 喇。 尤其係呢度始終多一啲 professional 嘅人， 所以傾吓㐚同嘅嘢都唔錯喇。
之後執嘢唔知點解用咗好耐時間， 好似唔捨得走咁。 哈哈。 都係繼續吹水咁喇。 一日就咁完咗喇...
2009/11/27（金曜日）
朝早行咗陣街， 話時話， 真係好想買某部相機， 不過荷包又真係唔係咁許可， 冇計。 到搵咗工先算， 或者突然有某份 parttime 先講？
下晝有個韓国人嘅 GCOE lecture， 老實講都唔知點解可以俾佢嚟講， 雖然佢寫咗唔少 paper， 不過都係啱啱有 PhD， 仲乜要我哋啲時間去聽呢？ anyway 作為奴隷都唔到我哋 say no。 結果佢嘅所謂 presentation， 就係將幾份 paper 炒埋一碟上檯， 啲 equation 都唔知想寫乜， 啲 graph 嘅 variable 都冇乜 meaning， 好明顯睇到佢準備咗幾多先嚟講囉。
不過 private 傾吓計就都仲可以嘅， 笹瀬先生交帶， 要我哋帶佢周圍走。 老細叫到都冇辦法喇。 陪佢周圍走， 飲吓嘢咁...
夜晚嘅 wine party， 一如以往， 有唔少 OB OG 嚟到， 笹瀬先生亦都邀請咗唔少 staff 嚟， 都幾熱鬧， 自己其實一向都唔好酒， 所以都係食嘢同埋吹水。 同咗好多唔同嘅人傾計， 都算係唔錯喇。 印象最深嘅， 都算係 International Center 嘅 T さん喇。 未嚟日本之前係佢安排宿舍， 之後喺三田讀日本語時都成日有嘢搵佢， 過到嚟矢上之後冇幾耐佢亦都調職過嚟， 直到而家， 周不時都有嘢會麻煩佢喇~~
咦？ 結果整日都喺度 social... 自己做過啲乜呢？ まあいいか
2009/11/26（木曜日）
上晝要去日吉聽過 IEEE DLT， 冇計， 個 professor 係笹瀬先生個 friend， 唔去唔得， 不過叫做俾少少期望佢啦。
去到聽， 真係諗唔到， 雖然未至於照讀， 不過望住佢啲 slide 其實都唔駛點聽， 一路自己讀哂啲內容就 OK， 呢啲咁嘅 presentation 就真係聽唔聽都冇乜分別。 雖然個 topic 都唔算太差， 不過聽嘅價值又真係唔係太高...
最奇嘅一件事， 都應該係今年畢咗業嘅 Z さん竟然嚟聽個 talk， 估佢唔到， anyway 之後同咗佢去食飯， 好耐冇 contact 過佢喇。 近況唔錯平平安安， 唔錯咁啦。
之後 ITC。 依然不斷咁睇事業仕分け嘅新聞， 唔， 其它人嘅反應都延有趣喇。 有東大嘅諾貝爾獎得獎者嘅反對， 有慶應醫学部 GCOE 嘅反對， 各式各樣啦。 anyway 都真係幾好笑， 呢啲立場又真係唔係咁 justify 到個 program 有幾浪費金錢囉？
2009/11/25（水曜日）
晨咁早起身去到木月小， 英語活動。 今期第三日教呢班， 都算係互相習慣咗喇。 加上其實有唔少人之前都教過， 所以都好好玩。
話時話之前都約略提過， 另一個英語講師， 真係唔多覺佢多嘢講， 都想像唔到佢對住細路仔時會點樣。 不過應該都冇問題啩？
下晝 check Internet 時， 發現今日係“事業仕分け”， 簡單講就係政府預算嘅公審會之類嘅嘢。 好有趣。 今日上晝原來公審 GCOE， check 唔同嘅 source， 都有唔少人懷疑 GCOE 存在嘅價值。 不過當然地， 都有一啲既得利益者， 會去擁護個 program 囉。 一路睇就一路笑， 後來睇返 twitter 發現有人一路喺現場“直播”， roll 返個 log 上去， 發現 GCOE 嘅預算會 cut 1/3
Cut 得三份一咁少？
我同 Madu 同埋 O くん共同嘅疑問。 呢個咁嘅無聊 program， cut 哂佢都冇人會理㗎啦。 直係搵嚟攪， 呢班“仕分け人”都真係唔知點做嘢嘅。 anyway， 心諗「ざまぁみろう」嘅快感？
呀， 睇事業仕分け嘅新聞睇到興起， 結果冇乜做過嘢...
2009/11/24（火曜日）
抖足兩日。 今日又要返學校， 好就好在今日冇乜雜務要做， 可以專心做番啲自己嘢。 話時話， 最近對 GCOE 嘅反感越整越大， 真係諗唔到冇乜出路囉。
話時話， 突然身癢想買 DSLR， 真係幾時都有購買欲， 尤其係電子嘢， 以前就話買電腦嘢， 最近電腦嘢冇乜好玩， 改行諗住玩 DC， 而且舊 model 嘅價錢又真係跌得幾勁。 所以如果要買都真係唔差嘅 timing 喇。 問題係... 真係冇乜必要買囉... 唔.. 有閒錢先... 唔， 但係又真係想買...
2009/11/21（土曜日）
羽毛球日， 上個禮拜唔知搞乜鬼， 鬼咁多人， 今個禮拜亦都唔知乜事， 鬼咁少人， 一班人用兩個場都仲得。 anyway 自己呢 group 今次比較多初級嘅人， 所以都不過係悠悠閒咁打， 除咗其中一場之外... 不過其中一個以前有打網球， 某程度都好容易上到手咁。
之後去食嘢， 咁啱撞正駒場祭， 又嚟一個人山人海（今日體育館少人可能都係因為有学祭？）， 去到イタトマ都只可以坐外面， 問題係 group 裏面有成四個人煲煙， 太熟有時都好難開口， 其中一個人問在場嘅 M ちゃん「介唔介意我食煙」, M ちゃん又冇問題喎...orz... 點解佢唔問我嘅呢？ 呢個世界真係男女唔平等。
anyway 坐得一陣就已經天黑， 話時話點解黑得咁快㗎呢？ 一入黑就開始涼， 冇計， 返歸也！
2009/11/20（金曜日）
尋日收到個咁有趣嘅 email， 今朝早去到 lab，同其中一個身受其害嘅 RA 傾咗好耐， 其中一個 point 就係 RA 之間太多唔公平嘅嘢喇。 真係搵嚟搞。
結果呢， 本來都好哋哋， 下晝另一個 GCOE staff 再 send 個 follow up 嘅 email， 基本上就係定埋啲低低能能嘅規則喇。 老實講做到咁露骨都真係幾肉酸， 問題係你啲咁嘅講義如果係 meaningful 嘅話你唔叫我都會俾心機聽， 不過十個入面有八九堂垃圾， 兩個鐘嘅 productivity 就咁冇咗， 每個禮拜都係咁， 唔火滾就有鬼啦？
結果成日就喺呢個灰到鬼咁嘅反感之下渡過... 話時話都好耐冇咁 out of control 喇...
2009/11/19（木曜日）
朝早遲咗起身， 去到日吉時， 原來 Madu 都遲到， 結果就去咗食 lunch （lunch time 先嚟到都真係離譜喇）， anyway 今日 ITC part time， 早返到去都唔會做到啲乜嘢特別嘢喇。
雖然話 ITC part time 好多時都可以做自己嘢， 不過通常都好難集中精神喇。 結果都係成日坐喺度， 冇機會寫 code， 其實應該搵啲唔駛集中精神嘅嘢做喇。
差唔多六點左右 GCOE 嗰邊 send 咗個 email 俾所有人， 內容睇完都真係笑咗出嚟， 話說星期一個 guest lecturer 話啲人唔夠專心， 坐哂去後面喎。 跟住其中一個 professor 就代呢位仁兄出氣， send 個 email 嚟話啲 RA 態度有問題云云。
講真我承認我冇留心上嗰堂， 不過唔該你自己睇吓每堂你俾啲乜嘢料出嚟先得㗎？ 真係唔知有幾多個 RA 覺得呢個 lecture 係廢㗎囉。 睇開呢個 blog 嘅人都知道我鬧咗幾耐， 今次個 email 真係有趣喇。 一路以嚟表面和諧嘅關係， 究竟之後會變成點呢？ 有好戲睇喇！
2009/11/18（水曜日）
瞓得唔係咁好， 但係又要晨咁早起身去木月小学校嘅英語活動， 個人理論上係起咗身， 事實上就不過係中吓中吓。
差唔多去到小学校時見到另一個英語活動嘅留學生， 唔， 其實都幾大鑊， 同佢唔係咁多嘢可以講， 要好辛苦咁搵話題囉。 嗰種沉默真係唔知點頂好。
今日嘅英語活動大致都算順利喇。 其中一班比較過份活躍， 其它基本上都好好玩喇。 今年教三四年班， 不過給食完咗之後經過之前教過嘅一年班（而家二年班）， 無端端俾班学生拉咗入課室， 呀... 喺幾時開始自己咁受班學生歡迎㗎呢o(*^▽^*)o~♪？
完咗之後返學校， 不過基本上今日好眼瞓嘅現實喺下晝集中出現， 寫咗少少 code 之後基本上就係死亡狀態... 都咪話唔大劑...
2009/11/17（火曜日）
笹瀬先生のお誕生日
遲咗返到學校， 跟住又要 meeting， 所以返到學校都未坐暖就走咗去食飯。 係咁嘅話一早去外面食可能仲好。
食完飯急急腳走去 meeting， 不過去到研究室時個後輩話“開完喇”...
はい？？
既然開完咁都冇嘢好講啦。 之後喺研究室留咗陣， 先後有啲三年生嚟問個 lab 嘅 details， 因為佢哋要揀老細喇。 其中一個感覺上幾好， 講嘅嘢幾有 point， 有機會嚟嘅話都真係想佢入呢個 lab。 另外有兩個女仔， 私心嚟講緊係想佢哋入啦， 不過佢哋基本上只係想搵個 lab 容易搵工， 唔， 點聽都有啲搭錯線嘅感覺喇。
Anyway 今日嘅主菜始終都係笹瀬先生嘅生日喇！ 佢又幾有趣， 明明記得自己生日， 入到嚟 lab 唔知點解有啲驚訝咁囉。 Anyway 最近成日都覺得佢好忙， 同埋班 M2 唔成氣候咁， 有咁嘅機會傾咁多嘢都覺得佢開心喇。 不過最出奇嘅係一年前畢業之後冇聲冇氣嘅憤青， 竟然記得笹瀬先生嘅生日同埋嘅咗幅畫軸過嚟.... 估佢唔到， 而且仲喺深圳做緊嘢咁... ほぉ…
2009/11/16（月曜日）
和和平平嘅一日。 寫 simulation program， 暫時都仲係砌積木嘅階段所以都冇乜問題， 到真係 program 嘅時候應該會有排煩。 不過而家唔理咁多住喇。
下晝例牌嘅 GCOE lecture， 都真係唔得閒理個 lecture 講乜喇。 嗰個所長都不過係照住份 slide 慢慢讀， 搵支 laser pointer 指指指， 真係咁樣都叫做 present？ 求其搵個人都做到啦。 都唔明呢個世界點解可以對啲咁低質素嘅 present 有咁大嘅容忍。 Presentation Powerpoint 化之後嘅問題？
Anyway 之後上咗研究室說明會， 講嘅嘢唔太特別， 而嚟嘅學生問嘅問題， 其中一條提到“唔想去一個冇乜人出現嘅研究室”， 唔覺意笑咗出嚟， 真係冇計。 自己雖然差唔多日日返學校， 不過冇乜點出現喺研究室， 而其它人都有好多大蛇王， 所以好多時都好少人喺 lab...
2009/11/14（土曜日）
羽毛球日加火鍋日。 羽毛球時好鬼熱鬧， 自己呢 group 人朋友嘅朋友等等加加埋埋成十幾個人， 同埋其它 group 唔知點解又係好多人囉， 最煩其實係班排球人， 自己呢 group 同樣係咁多人， 唔知點解佢哋可以用兩個場囉。 有時真係唔知點解佢哋可以有特權..
打完波之後去咗 Cafe 嗰度坐咗陣， 兵分兩路， 自己首先同埋 M ちゃん去咗 join 佢個 friend 同埋去佢屋企拎個瓦煲， 去到蒲田 M ちゃん屋企， 坐咗陣， 吹吓水， 唔， ある意味ね、色々考えているよ。それについてまたいつか話そうかな
Anyway 跟住両手に花嘅狀況之下去到朋友 T くん屋企， 一個人住一間屋， 都真係幾奢侈， 去到時其它 members 都到咗， 有啲喺度準備食物， 有更多嘅， 喺度玩 Mario Cart... 哈哈。 總之自己去到差唔多有得食就冇問題啦～
一路食一路吹水， 非常之 enjyoable 嘅一晚。 其怪嘅係， 其實呢 group 人裏面好多都唔係識咗好耐（有啲今日先識㗎囉）， 但係完全冇隔膜囉。 真係有趣 ヾ(=^▽^=)ノ
2009/11/13（金曜日）
黑色星期五， 不過非常之和平嘅一日。
朝早正常咁返學， 論文投稿啲手尾仲有少少， 做埋佢之後真係可以專心自己之前做緊嘅新 simulation framework。 下晝又可以好悠閒咁去食嘢， 突然有閒情同 Madu discuss 研究上嘅嘢， 話時話講 tech 嘅嘢就多， 研究嘢好似唔係咁常講囉。
返到去繼續 simulation 嘅嘢， 話時話一路用開嘅 svn， 其實唔係咁易用， 最初個 server 叫做 set 好都還好， 不過其實可以更加方便啩？ 開始睇吓近期興起嘅 git， 好似幾好用咁...
夜晚買咗個燙抖， 真係咁耐以嚟都懶得用， 一路都覺得冇乜所謂喇。 不過都係預備喺屋企好。 夜晚就一路聽 Linus 講 git (Linus @ google)， 一路燙衫。 原來， 有閒情有時間燙衫， 某程度係一種福氣...
2009/11/12（木曜日）
原來， 自己有成四個月冇捐過血。
之前捐血都唔知點解見唔舒服， 好多原因嘅， 可能係天氣太熱， 可能係當時壓力太大， 真係唔知點解。 anyway 今日平平安安咁捐到， 冇問題。 又可以回復番每兩個禮拜捐血嘅習慣喇啩？
之後返學校， 處理埋論文誌嘅小小雜務， 之後食飽飽， 又開始 ITC 嘅 part time， 真係， 好多時間都係做自己嘢同埋釣魚， 都好， 寫埋篇 Goldrush 嘅文， 今次都真係唔知有乜好寫， anyway 寫埋 submit 咗佢先算
發現， 自己嘅 Todo list 突然少咗好多個 item... 心理上放鬆咗好多囉！ 呼～～
2009/11/11（水曜日）
落雨濕濕， 不過都要返去做埋啲嘢佢。 份論文之前用錯 simulation parameter 搞到最後個 result 拎唔到， 今日終於乜鬼都 sim 哂， 可以交功課喇。
唔需要再俾笹瀬先生 check， 自己再 double check grammar 等等東東， 都真係七七八八喇啩？ OK submit！ 起碼， 喺呢段 review period 入面...
終於可以放鬆吓喇！ 心情又真係完全唔同！ 哈哈哈， 今日輕鬆吓先得！ （乜唔係一路都好鬼輕鬆㗎咩？）
2009/11/10（火曜日）
晨咁早起身（正確嚟講不過係冇平時咁晏）， 食飽飽， 開始 TOV （おいおい）， 完埋個十六夜の庭， 剩得嘅嘢都仲有好多， 不過遲啲得閒先慢慢玩喇。 係時候清番啲工作， 都唔知有幾多嘢未做好...
下晝有卒業アルバム嘅攝影， 話時話嚟咗呢個 lab， 足足影咗五大次， 但係就一次都未見過啲相囉。 唔知放咗去邊呢？ 真係一個謎... 反正自己都未畢業， 冇乜所謂喇。
用 OMNet++ implement 個 network simulation， 唔， 砌咗啲 module 先。 不過就奇怪， 唔知點解個 network run 唔到，唔知係啲 code 未寫好定係乜嘢， 不過應該唔關事㗎？ 完全諗唔明。 結果用咗唔少時間同佢慢慢死過， 不過自己可以咁專心整呢舊嘢都算係一個奇蹟？ 唔知點解 。
個 module connection 問題本來諗住返屋企再慢慢睇， 不過錯手 svn rm 咗成個下晝做嘅嘢， 仲要係之前一次都未 commit 過... 呀， 不過算啦。 個 design 可能都有問題， 唔駛理佢咁多喇。 夜晚冇打機， 唔知點解，多咗好多時間...
2009/11/9（月曜日）
本來諗住今日同份 paper 埋單， 點知 run 錯咗 simulation program 嘅 parameter， 冇計之下唯有改返個 parameter 等佢慢慢 run， 真係濕濟。
另外開始用 OMNet++ 去 implement 個 optical network， 唔， 以前話就話用過， 好多嘢都唔記得咗， 加上今次用嘅係 version 4， 所以有啲 API 改咗...
都冇時間慢慢同個 OMNet++ 磨， 又要去 GCOE lecture， 今次個 topic 係“群衆の叡智”， 最初睇個 topic 都唔知佢想講乜， 最後原來講嘅就係集一大班人嘅意見係有時可以好過一小堆 expert， 都唔係唔明嘅， GCOE lecture 嚟講算係幾有趣。 而且用英文講其它 international student 都應該有啲得着。 不過當個個人都用英文問問題嘅時候， 有個超 KY professor 係咁用日本語囉。 喂大哥， 睇場合吖唔該！
2009/11/8（日曜日）
朝早俾個門鐘整醒， 宅急便， 係喎， 都唔醒起自己 order 咗， anyway 睇吓個鐘， 十一點， 唔起身都唔得喇。
之後整日 TOV， 追憶の迷路裏面可以同以前啲ボス打過， 不過都已經升到 level 200， 真係幾吓就打瓜佢哋囉。
2009/11/7（土曜日）
羽毛球日， 叫做早去到， 有個三十幾歲（？）嘅男人突然走埋嚟一齊打波， 唔， 其實都冇所謂嘅， 有啲突然咁解囉。 佢又得㗎喎， 一個人走嚟， 唔係一定會受佢㗎嘛（其它人尤其）， 不過我哋呢 team 人其實都係咁樣夾吓夾吓走出嚟㗎喇。
之後食嘢時 plan 埋下個禮拜嘅鍋 party， 唔， 有趣， Y くん似乎對上次燒嘢食時有陰影， 所以點都要各樣嘢做足準備喇。 上次又真係準備不足嘅...
返到屋企， 繼續 TOV...
2009/11/6（金曜日）
朝早 collect 埋一啲最後嘅 data， summarize 份 paper, 俾笹瀬先生 check， 唔， 其實都冇乜信心， 不過 anyway outcome 都算係改埋啲 minor 嘢就可以 submit， 雖然 submit 都唔係話保證 accept， 但係過得先生嗰關已經好大機會喇！
總算可以放鬆吓， 同 O くん同埋 Madu 吹水， 哈哈， 調子にのりやがって... anyway 準備埋少少 data 都可以交喇啩？
2009/11/5（木曜日）
依然地等 data， simulation run 緊時可以做其它嘢， 於是開始寫新嘅 simulation program， 正確嚟講係預備下一個 research 嘅 base， 今次寫嘅始終唔夠 flexible 同埋 illustrative， 所以都係重生 implement 好啲。
下晝 ITC， 完全冇辦法集中寫文， 同呢期同事熟咗就多嘢講， 下晝喺度玩蘋果棋， 但又唔係人手玩喎， 電腦對 Android， 唔知個 algorithm 係點， 不過電腦始終勁過 Android 囉（都唔明， hard 嘅時候 Android 都係用少少時間 thinking）， 有理論話係電腦慢慢諗等 Android 自己冇電自滅... 真係 IT 人先諗得出呢啲解釋...
之後有時間， 唔係寫文， 係繼續玩埋啲幾時玩都得嘅 mini game... 夜晚返到屋企先叫做可以繼續寫文...
2009/11/4（水曜日）
返學校做嘢， 要寫嘅嘢算係 OK， 不過仲有啲 data 未 ready， 所以做到嘅嘢都係有限公司， 最麻煩嘅係有啲 data 嘅偏差都幾大， 不過唔理得咁多喇， 做多少少 addition 嘅 simulation 嚟 verify 啲 data 啦....
2009/11/3（火曜日）
戦利品：
テイルズオブヴェスベリア The First Strike (movie book)
テイルズオブヴェスベリア 藤島康介のキャラクター仕事
放假， 去咗睇 TOV 劇場版「テイルズオブヴェスベリア The First Strike」， 唔算太大路嘅電影， 所以冇辦法之下要去到冇雷公咁遠嘅川崎（其實又唔係真係好遠）， 好日都唔一次嚟， 一嚟到， 唔知點解喺個火車站裏面就即刻有條友煲煙囉！ 痴鬼線㗎？
唉， 唔理咁多， 目的係嚟睇戲， 唔理得啲白痴咁多。 入到去， 買咗兩本書慢慢睇， anyway 今次 “The First Strike”， 基本上係 TOV 隻 game 嘅 prologue？ 幾有趣， 不過如果冇玩過隻 game 嘅話其實應該唔明入面啲 terms 囉？ anyway 今次係ユーリ同埋フレン入咗騎士団之後嘅故事， 其實可以嘅話都想睇吓少少佢哋喺下町嘅故事... 或者其它設定資料會有啩？ Anyway エステル今次完全係可有可無嘅配角囉。
睇完戲之後去食意粉， 真係完全撞板， 一來啲意粉真係完全唔掂， 二來原來隔離有吸煙區... 大失敗...
返屋企繼續 TOV...
2009/11/2（月曜日）
一早要返學校 meeting， 冇計， 聽日放假嘛， 開始咗 group meeting， 比起一大班人開 meeting 始終比較 efficient 嘅， 當然都唔係冇佢嘅唔好處。 唔理咁多喇， 聽完後輩嘅 presentation， 始終都有唔少奇怪嘅問題， 好多嘢點睇都唔太 work 囉。 Anyway 之後笹瀬先生問到自己進度， 仲差少少.... 今個禮拜之內交貨... 都好， 唔俾啲壓力自己就永遠都唔會有 output
之後就開始努力工作... 咗一陣之後又要去 GCOE lecture， 本來都真係覺得浪費時間， 不過黑田先生嘅 talk， 意外地有趣， 講真上咁多堂 GCOE， 呢堂算係有價值， 如果其它 lecture 都有咁嘅 quality 就真係 attend 都冇問題， 但係基本上都係失望居多囉....